ISAHLUKO 12

₁NGA lesosikati uHerodi inkosi welula izandhla, ukuba a hlupe abanye ba sebandhleni.

₂Wa bulala ngesinkemba uJakobe umfo wabo ka Johane.

₃Se e bone ukuba kuhle kubaJuda, wa buya wa tabata noPetro. (Kwa ku izinsuku zezinkwa ezi nge namvubelo).

₄Wa m bamba, wa m faka etilongweni, wa m nikela kumaviyo amane amabuto amane, ukuba a m linde, e ti, u ya kumkupulela ebantwini emva kwepasika.

₅Njalo uPetro wa gcinwa etilongweni: kepa wa kulekelwa nokukulekelwa ibandhla kuTixo.

₆uHerodi e se za kumpumesa, nga lobobusku uPetro wa e lele pakati kwamabuto amabili, e botyiwe ngamaketanga amabili; abalindi be semnyango ba gcina itilongo.

₇Kwa fika ingelosi yeNkosi, yema kona, kwa kanya ukukanya endhlini; ya m bambata uPetro ohlangotini, ya m vusa; i ti, suka masinyane. Kwa se ku wa amaketanga ake ezandhleni.

₈Ingelosi ya ti kuye, Binca, u fake izicatulo zako: wenza njalo. Ya ti kuye, Yembata ingubo yako, u ngi landele.

₉Wa puma wa i landela; e ngazi ukuba ku iqiniso okwenziwa ingelosi: kodwa wa ti wa bona isibonakaliso.

₁₀Ba dhlula abalindi bokuqala nabesibili, ba fika esangweni lensimbi eli bheka emzini, la zivulekela; ba puma, ba dhlula indhlela ya banye; kona ingelosi yesuka ya m shiya.

₁₁uPetro, se e qondile, wa ti, Kaloku se ngi yazi, ku qinisile, iNkosi i tumile ingelosi yayo, ya ngi kulula esandhleni sika Herodi na sekubhekeni konke kwabantu baka Juda.

₁₂Se e bonisise, wa ya endhlini ka Maria, unina ka Johane, o tiwa uMarko, lapo ba be butene abaningi, be kuleka.

₁₃uPetro e sa gqongqota esivalweni sesango, kweza kulalela intombazana, igama layo li nguRoda.

₁₄Ya lazi izwi lika Petro, kepa ngokujabula a i vulanga isango; ya gijimela endhlini, ya bika, ya ti, uPetro u se mi esangweni.

₁₅Ba ti kuyo, U ya hlanya. Ya qinisisa, ya ti, ku njalo. Ba ti, Ku ingelosi yake.

₁₆Kodwa uPetro wa gqongqota njalo: ba vula, ba m bona, ba mangala.

₁₇Wa ba qweba ngesandhla ukuba ba tule, wa ba landisa ukumkipa kweNkosi etilongweni. Wa ti, Bikelani, uJakobe nabazalwane loku. Wemuka wa ya kwenye indawo.

₁₈Se ku sile, kwa ba kona uvalo olukulu emabutweni, lokuba wehlelwe ini uPetro.

₁₉uHerodi, se e m funile, e nga m fumananga, wa buzisisa abalindi, wa yala ukuba ba bulawe. Wehla eJudia, wa ya eKesaria, wa hlala kona.

₂₀uHerodi wa tukutela naba seTire naba seSidone: kepa beza kuye benhliziyonye; se be kolisile uBlastu induna yendhlu yenkosi, ba kuleka ukutula, ngokuba izwe la kubo londhliwa ngezwe lenkosi.

₂₁Ngosuku olumisiweyo, uHerodi wembata ingubo yobukosi, wa shumayela kubo.

₂₂Abantu ba hlokoma; be ti, izwi lotixo, a silo elomuntu.

₂₃Kwa ti masinyane ingelosi yeNkosi ya m tyaya, ngokuba ka m dumisanga uTixo; wa dhliwa izimpetu, wa fa.

₂₄Kepa izwi lika Tixo la kula, landa.

₂₅uBarnaba noSauli ba buya be puma eJerusalema, se be qedile ukukonza kwabo, bemuka noJohane o tiwa uMarko.