ISAHLUKO 9

₁USAULI, e sa futa ukusongela nokubulala abafundi beNkosi, wa ya kumpristi omkulu,

₂Wa cela kuye izincwadi zokuya eDamaseku, emabandhleni, ku ze ku ti, uma e ba fumana abantu aba lendhlela isilisa nesifazana, a ba yise eJerusalema be botyiwe.

₃Ekuhambeni kwake wa sondela eDamaseku: kwa m zuma ukukanya oku vela ezulwini, kwa m baneka.

₄Wa wa pansi, wezwa izwi li ti kuye, Sauli, Sauli, u ngi hlupelani na?

₅Wa ti, U ngubani, Nkosi? Ya ti Nkosi, Ngi nguJesu o m hlupayo: ku lukuni kuwe ukukahlela ezincijini.

₆Wa tutumela, e mangala, wa ti, Nkosi, u tanda ukuba ngenzeni na? Inkosi ya ti kuye, Suka, u ye emzini, u ya kutyelwa loko o nga kwenza.

₇Abantu aba hamba naye bema, be nge nakukuluma, bezwa izwi, kodwa be nga boni muntu.

₈uSauli wesuka pansi; se e vuliwe amehlo ake, a ka bona muntu: ba m bamba ngesandhla, ba m yisa eDamaseku.

₉Izinsuku za ba ntatu wa e nga boni, e nga dhli, e nga puzi luto.

₁₀Kwa ku kona eDamaseku umfundi, igama lake li nguAnania; iNkosi ya ti kuye esibonakalisweni, Anania. Wa ti, Ngi lapa, Nkosi.

₁₁Inkosi ya ti kuye, Suka u ye endhleleni oku tiwa Ilungile, u buze endhlini kaJuda umuntu igama lake li nguSauli wa seTarsu: ngokuba nango, u ya kuleka,

₁₂U bonile esibonakalisweni umuntu, igama lake li nguAnania, e ngena e beka isandhla pezu kwake, ukuba a bone.

₁₃Kona uAnania wa pendula wa ti, Nkosi, ngi zwile kwabaningi nga lomuntu, okubi konke a kwenzile kwabangcwele bako ba seJerusalema.

₁₄Na lapa u namandhla a wa piwa abapristi abakulu ukubopa bonke aba kuleka egameni lako.

₁₅Inkosi ya ti kuye, Hamba; ngokuba lo u isitya esiketiweyo imi sokupata igama lami pambi kwezizwe, namakosi, nabantwana baka Israeli.

₁₆Ngokuba ngi ya kumbonisa loko a za kuhlutywa ngako ngegama lami.

₁₇Wa hamba, uAnania wa ngena endhlini; wa beka izandhla pezu kwake, wa ti, Sauli, mzalwane, iNkosi, uJesu, owa bonakala kuwe endhleleni oweza ngayo, i ngi tumile ukuba u buye u bone, u gcwale uMoya o ingcwele.

₁₈Kwa wa masinyane emehlweni ake kwa nga ti izinkwetu; wa se e buya wa bona, wesuka wa bapatizwa.

₁₉Wa dhla ukudhla, wa qina. uSauli wa hlala izinsuku nabafundi ba seDamaseku.

₂₀Wa se e shumayela uKristu ezindhlini zokusonta, ukuti u iNdodana ka Tixo.

₂₁Ba mangala bonke abamzwayo, ba ti, A siye ini lo owa cita eJerusalema abakuleka ku leligama na? weza lapa ngaloko, ukuba a ba yise be botyiwe kubapristi abakulu.

₂₂Kepa uSauli wanda kakulu emandhleni, wa bahlula abaJuda aba be hlezi eDamaseku, e qinisa ukuti, lo u nguye uKristu.

₂₃Se ku dhlule izinsuku eziningi, abaJuda ba ceba ukuba ba m bulale.

₂₄Kepa icebo labo laziwa uSauli. Ba linda amasango na semini na sebusuku, ukuze ba m bulale.

₂₅Kona abafundi ba m tabata ebusuku; ba m ehlisa odongeni, be m pate ngeqoma.

₂₆uSauli se e fikile eJerusalema, wa linga ukuhlangana nabafundi: kepa ba m esaba bonke, be nga kolwa ukuba u ngumfundi.

₂₇Kodwa uBarnaba wa m tabata wa m yisa kubapostoli, wa ba landisa ukuibona kwake iNkosi endhleleni, nokuti i kulume naye, nokushumayela kwake ngegama lika Jesu eDamaseku, e mi isibindi.

₂₈Wa e kona nabo eJerusalema e ngena e puma.

₂₉Wa shumayela ngegama leNkosi uJesu e mi isibindi: njalo wa kuluma e pikisana namaGreki: ba linga ukumbulala.

₃₀Abazalwane se be kwazi loko, ba m ehlisela eKesaria, ba m tuma a ye eTarsu.

₃₁Njalo amabandhla a seJudia lonke, na seGalile, na seSamaria, a be nokutula, akiwa, a hamba esaba iNkosi, e tokoziswa uMoya o ingcwele, andiswa.

₃₂Kwa ti uPetro, e dabula ezindaweni zonke, wehlela na kwabangcwele aba be hlezi eLida.

₃₃Wa fumana kona umuntu, igama lake li nguEnea, owa be e lele embedeni iminyaka eshiyagalombili, e kwelwe ubuparalio.

₃₄uPetro wa ti kuye, Enea uJesu Kristu u ya ku pilisa; suka u zandhlalele umbede wako. Wa se e suka.

₃₅Ba m bona bonke aba be hlezi eLida na seSarone, ba pendukela eNkosini.

₃₆Kwa ku kona eJopa umfundikazi, igama lake li nguTabita, oku tiwa ngokukumshwa uDorka: lowo wa vama imisebenzi elungileyo, nomusa a wenzayo.

₃₇Kwa ti nga lezozinsuku wa gula, wa fa; ba m geza, ba m beka endhlini e pezulu.

₃₈Loku iLida la li seduze neJopa, abafundi se be zwile ukuti uPetro u kona, ba tuma kuye abantu ababili, be m ncenga ukuba a nga libali ukuza kubona.

₃₉Wesuka uPetro, wa hamba nabo. Se be fikile, ba m yisa endhlini e pezulu: bema naye abafelokazi bonke, be kala, ba m bonisa izambato nezingubo a be zenzile uDorka, e se nabo.

₄₀Kepa uPetro wa ba pumisela bonke ngapandhle, wa guqa ngamadolo, wa kuleka: wa pendukela esidunjini, wa ti, Tabita, vuka. Wa vula amehlo ake, e bona uPetro, wesuka wa hlala.

₄₁Wa m bamba ngesandhla, wa m lulamisa: wa biza abangcwele nabafelokazi, wa m beka pambi kwabo e se pilile.

₄₂Kwezwakala loko eJopa lonke: abaningi ba kolwa iNkosi.

₄₃Wa hlala eJopa izinsuku eziningi, kuSimone umkuhli.