ISAHLUKO 25

₁KWA ti kwa ba kona izwi lika Jehova kimi, lokuti,

₂Ndodana yomuntu, bhekisa ubuso bako nga kuwo amadodana ka Amoni, wazise nga kuwo.

₃U tyo kumadodana ka Amoni Yizwani izwi leNkosi uJehova; Njalo i tyo iNkosi uJehova; Ngokuba wa ti, Aha, nga kuko okuyingcwele kwami lapo kwa ngcoliswa kona; na nga kulo izwe la seIsraeli lapo la citakala kona; na nga kuyo indhlu ya seJuda lapo ya tunjwa kona;

₄Ngako bheka mina ngi ku nikela kumadodana a sempumalanga u be ifa; a ya kubeka amatanga awo pakati kwako; wona a ya kudhla isitelo sako, a puze nobisi lwako.

₅Ngo ti ngenze iRaba indawo yokupumula yamakameli, namadodana a seAmoni indawo yokucambalala kwezimvu; ni ya kwazi ukuba ngi nguJehova.

₆Ngokuba njalo i tyo iNkosi uJehova; Ngokuba u tyayile isandhla, u betile ngonyawo, u jabulile ngokudela konke kwako empefumlweni nga kuwo umhlabati wa seIsraeli;

₇Ngako bheka mina ngo selula isandhla sami pezu kwako, ngi ku nikele u be ukudhla kuzo izizwe; futi ngo ku nquma kubantu, ngi ku bubise emazweni; ngo ku cita; wo ti wazi ukuba ngi nguJehova.

₈Njalo i tyo iNkosi; Ngokuba uMoabi noSira ba tyo, Bheka, indhlu ya seJuda i njengezizwe zonke;

₉Ngako bheka, mina ngo vula icele la seMoabi kuyo imizi, kuyo imizi yalo e nga seceleni lalo, ubuhle bezwe iBethjesimote, neBaal-meoni, neKiritami.

₁₀Kuwo amadodana a sempumalanga nga kuwo amadodana kaAmoni, ngo wa nika a be ifa ukuze amadodana kaAmoni a nga kunjulwa pakati kwezizwe.

₁₁Futi ngi ya kwenza ukwahlulela pezu kwabaMoabi, bo ti bazi ukuba ngi nguJehova.

₁₂Njalo i tyo iNkosi uJehova; Ngenxa yokwenza kwabo abakwaEdomi ekupindiseleni impindiselo kuyo indhlu ya seJuda, bonile ngokona, ba pindisela kuwo.

₁₃Ngako njalo i tyo iNkosi uJehova; Ngo selula isandhla sami pezu kweEdomi ngi nqume kulo umuntu, nesilwane; ngi lenze li be incitakalo ku suke eTemani; nabaDedani ba ya kuwa ngenkemba.

₁₄Ngi ya kuti ngi beke impindiselo yami pezu kweEdomi ngesandhla sabantu bami abaIsraeli; bona ba ya kwenza eEdomi njengolaka lwami, na njengokuvuta kwami; Ku ya kuti bazi impindiselo yami i tyo iNkosi uJehova.

₁₅Njalo i tyo iNkosi uJehova; Ngenxa yokwenza kwabaFilisti ekupindiseleni, ba pindisela impindiselo ngokudela kompefumlo, ukucita ngenzondo ya sendulo.

₁₆Ngako njalo i tyo iNkosi uJehova; Bheka mina ngi selula isandhla sami pezu kwabaFilisti, ngo nquma abaKereti, ngi cite insalo yolugu lolwandhle.

₁₇Ngo ti ngenze pezu kwabo impindiselo, izilungiso ezikulu zentukutelo: bona ba ya kwazi ukuba ngi nguJehova, uma ngi beke impindiselo pezu kwabo.