ISAHLUKO 44

₁LAPO wa ngi buyisele endhleleni yesango lendawo e ingcwele engapandhle, okubukwa kwalo ku sempumalanga, e la li valekile.

₂Wa ti kimi uJehova, Isango leli li ya ku valwa, a li yi ku vulwa, umuntu a ka yi ku ngena kulo; ngokuba uJehova uTixo kaIsraeli u ngenile ngalo, lona li ya ku valwa.

₃Li be e lesikulu; isikulu so hlala kulo ukudhla isinkwa pambi kuka Jehova; So ngena ngendhlela yendhlu yomnyango wa leli sango, si pume ngendhlela yayo.

₄Lapo wa ngi zisa ngendhlela yesango la senyakato ngapambi kwendhlu; nga se ngi buka, bhekake, ukukazimula kuka Jehova kwa gcwalisa indhlu ka Jehova; nga ti nga wa ngobuso bami.

₅Lapo uJehova wa ti kimi, Ndodana yomuntu bheka inhliziyo yako, u bone ngamehlo ako, u zwe ngezindhlebe zako konke e ngi ku kuluma kuwe, ngeziyalelo zonke zendhlu ika Jehova, na ngemiteto yonke yayo; u beke inhliziyo kuko ukungena kwendhlu, nokupuma konke kwendawo e ingcwele.

₆Futi u ya kutyo kubo abapambeneyo kuyo indhlu ya seIsraeli, Njalo i tyo iNkosi uJehova; Se ku ningi kini kuko konke ukunengeka kwenu, Ndhlu ya seIsraeli,

₇Ngokungenisa kwenu amadodana abafokazi a ba nejwabu ngenhliziyo, be nejwabu na ngenyama ba be endaweni e ingcwele yami uku yi ngcolisa indhlu yami, lapo ni nikela isinkwa sami, nokunona, negazi, futi bapulile uvumelwano lwami ngenxa yokunengeka konke kwenu.

₈Futi a ni gcinanga ukulinda koku ingcwele kwami; kanti ni zimisele abagcini bokalinda kwami ebungcweleni bami.

₉Njalo i tyo iNkosi uJehova, a i yi ku ngena endaweni yami e ingcwele indodana nayodwa yomfokazi e nejwabu ngenhliziyo, e nejwabu na ngenyama, kuwo onke amadodana abafokazi aba pakati kwamadodana a seIsraeli.

₁₀Ngokuba abaLevi a ba deda kude nami ekubambukeni kwabaIsraeli, a ba pambuka kimi emva kwezitombe, bona ba zo twala ububi babo.

₁₁Bona ba ya kuba izikonzi ebungcweleni bami, be miselwe emasangweni endhlu, be konza nakuyo indhlu; bona ba ya kuhlaba umnikelo wokutyiswa nokuhlatywa kwabantu, bona ba zo ma pambi kwabo ukubakonza.

₁₂Ngenxa yokuba ba ba konza pambi kwezitombe zabo, futi ba be kuyo indhlu ya seIsraeli, be ba qubekisela ebubini; ngako ngi pakamisile isandhla sami ngakubo, i tyo iNkosi uJehova, bona ba zo twala ububi babo.

₁₃Bona a ba yi ku sondela kimi, ukutetelela kimi, nokusondela kuko konke oku ingcwele, kuko oku ingcwele koku ingcwele; futi ba zo twala ihlazo labo, nokunengeka kwabo a ba kwenzileyo.

₁₄Kodwa ngo benza abagcini bokulinda kwendhlu, kuko konke ukukonza kwayo, na kuko konke o ku ya kwenzwa kuyo.

₁₅Kepa abateteleli kaLevi, amadodana ka Zadoki, a ba gcina ukulinda koku ingcwele kwami ekupambukeni kwamadodana a seIsraeli kimi, bona ba ya kusondela kimi ukungikonza, bona ba ya kuma pambi kwami ukunikela kimi ukunona negazi, i tyo iNkosi uJehova.

₁₆Bona ba zo ngena endaweni e ingcwele yami ba sondele etebuleni, ukungikonza, futi ba ya kugcina ukulinda kwami.

₁₇Ko ti ekungeneni kwabo emasangweni etanga elingapakati ba mbatiswe ngezambato zelineni; uboya a bu yi ku za pezu kwabo, be sa konza emasangweni etanga elingapakati, nangapakati.

₁₈Umshuqulo welineni wo ba ekanda kubo, namabulukwe elineni o ba okalweni lwabo; a ba yi ku binca ku be kona ukujuluka.

₁₉Na lapo be ya etangeni elingapandhle, kwe li ngapandhle kubantu, bo susa izambato zabo a ba konza ngazo, ba zi hlalise emakamelweni a ingcwele, ba fake izambato ezinye; a ba yi kwenza abantu ba be ngcwele ngezambato zabo.

₂₀Futi a ba yi ku pucula amakanda abo, a ba yi ku yeka zi lenge izinwele; bo gunda nokugunda amakanda abo.

₂₁Futi a ka yi ku puza iwaini umteteleli noyedwa, uma be ngena etangeni elingapakati.

₂₂Bona a ba yi ku tabata kubo abafazi, umfelokazi, nolahlwayo; ngokuba ba zo tabata izintombi zenzalo yendhlu ya seIsraeli, noma mhlaumbe ba nga tabata umfelokazi o ngumfelokazi womteteleli.

₂₃Ba ya kuti ba bonise abantu bami ukuhlukanisa pakati koku ingcwele nokungahlukaniswayo, napakati kokungcolileyo nokuhlanzekayo.

₂₄Ko ti ekupikeni be me bona kuko ukwahlula; ba hlule njengokwahlula kwami; futi ba zo gcina imiteto yami neziyalelo zami emihlanganweni yonke yami, benze a be ngcwele amasabata ami.

₂₅Bona a ba yi ku za kumuntu o fileyo uku zingcolisa; kodwa ngoyise, na ngonina, na ngendodana, na ngendodakazi, na ngomne, na ngodade o nge nandoda, ba nga zingcolisa.

₂₆Kepa emva kokuhlanzwa kwake, wo zibalela izinsuku ezi isikombisa.

₂₇Ko ti ngosuku e ngena ngalo endaweni e ingcwele kulo itanga elingapakati, ukukonza kuko oku ingcwele, wo nikela umnikelo wake wokona, i tyo iNkosi uJehova.

₂₈Loku ko ba kubo ifa; Mina ngi yifa labo; a ni yi ku ba nika inzuzo eIsraeli; Mina ngi yinzuzo yabo.

₂₉Umnikelo wokutyiswa, no wokona no wecala bona ba ya ku wu dhla; nokuhlukaniselweyo konke eIsraeli ko ba okwabo.

₃₀Futi ulibo lonke lokuqala lwako konke, nezipo zonke kuzo zonke izipo zenu, zo ba ezabateteli; no nika umteteleli futi ukuqala kwempupu yenu, ukuze a hlalise ubusiso pezu kwendhlu yako.

₃₁Abateteleli a ba yi ku dhla into efileyo, nedatyulweyo, noma kuzo izinyoni noma kuzo izinkomo.