ISAHLUKO 6

₁KWA ti, abantu be qala ukwanda emhlabeni, be zala amadodakazi,

₂Amadodana ka Tixo a bona amadodakazi abantu ukuti, mahle; a tabata abafazi kuwo onke a wa tandayo.

₃Wa ti uJehova, Umoya wami a u yi kuhlala ku bantu njalo ngenxa yezono zabo; ba inyama nje; izinsuku zabo zi ya kuba iminyaka e ikulu namashumi amabili.

₄Iziqwaka za zi kona ezweni ngalesosikati, nangasemva, lapo amadodana ka Tixo a ngena kumadodakazi abantu, a wa zalela abantwana, labo ba ba abantu aba namandhla ba sendulo, abadumileyo.

₅uTixo wa ku bona ukona kwabantu ku kulu emhlabeni, nokucabanga konke kwezizindhlo zenhliziyo yake ukuba kubi impela njalo njalo.

₆uJehova wa guquka ngokuba wa e benzile abantu emhlabeni, wa dabuka enhliziyweni yake.

₇Wa ti uJehova, Ngi za kububisa abantu engi benzileyo ba nga bi ko ebusweni bomhlaba, abantu, nezinkomo, nezilwane, nezinyoni zezulu, ngokuba ngi zisolile ukuba ngi benzile.

₈Kepa uNoa wa zuza umusa emehlweni ka Jehova.

₉Lezi zi yizindaba zika Noa: uNoa wa e ngumuntu olungileyo, e nge nacala esizukulwaneni sake; uNoa wa hamba noTixo.

₁₀uNoa wa zala amadodana amatatu, uShemi, noHamu, noJafete.

₁₁Izwe la lonakele ebusweni buka Jehova, izwe la li gcwele ukupanga.

₁₂uTixo wa bona izwe, bheka, la lonakele; ngokuba abantu bonke ba be hamba kabi emhlabeni.

₁₃Wa ti uJehova kuNoa, Se ku fikile pambi kwami ukupela kwabantu bonke, ngokuba izwe li gcwele ukupanga ngenxa yabo; bheka ngi za kubabubisa kanye nezwe.

₁₄Wake umkumbi ngemiti e nenhlaka; wenze izindhlu emkunjini, u u huqe ngenhlaka ngapakati nangapandhle.

₁₅Iko loku o za kukwenza: Ubude bomkumbi bu izingalo ezi makulu matatu, ububanzi bawo bu izingalo ezi mashumi amahlanu, ubude bawo ukuya pezulu bu izingalo ezi mashumi matatu.

₁₆Wenze isibuko emkunjini, u si gcine ngapezulu ngengalo i benye; u beke umnyango womkumbi ecaleni lawo; wenze izindhlu ngapansi, nezesibili nezesitatu pezulu.

₁₇Bheka, ngi ya kuleta uzamcolo wamanzi emhlabeni; ukuba a bubise inyama yonke e nemipefumlo e pilayo, e ngapansi kwezulu; konke oku semhlabeni ku za kufa.

₁₈Kodwa ngi ya kuqinisa kuwe isivumelwano sami; u ya kungena emkunjini, wena, namadodana ako, nomkako, nomka madodana ako nawe.

₁₉Na kuzo zonke izinto ezizwayo zenyama yonke, u ya kutabata ngambili kuzo zonke izinhlobo, u zi ngenise emkunjini ukuba uzisindise nawe, zi be induna nensikazi.

₂₀Izinyoni izinhlobo ngezinhlobo, nezinkomo izinhlobo ngezinhlobo, nazo zonke izilwane zomhlaba, izinhlobo ngezinhlobo; ngambili kuzo zonke izinhlobo, zi ya kuza kuwe, zi sinde.

₂₁U tabate kuko konke ukudhla okudhliwayo, u ku butele kuwe; ku be ukudhla kwako nokwazo.

₂₂Wenza njalo uNoa; njengaloko konke uTixo a be m yalile ngako, wenza okunje.