ISAHLUKO 2

₁IZWI ela bonwa uIsaya indodana ka Amozi ngoJuda neJerusalema.

₂Ko ti ngezinsuku zokugcina, intaba yendhlu ka Jehova i ya kumiswa ezicongweni zezintaba i pakame ngapezu kwezintatyana; nezizwe zonke zi butane kona.

₃Nabantu abaningi ba ya kuya, ba ti, Wozani ma si kupukele entabeni ka Jehova, endhlini ka Tixo ka Jakobe; a si fundise ngezindhlela zake; si ya kuhamba emendweni yake; ngokuba umteto u ya kupuma eZioni, nezwi lika Jehova eJerusalema.

₄Naye u ya kunqamula imiteto ezizweni, a kuze abantu abaningi; ba ya kukanda izinkemba zabo, zi be imilomo yamageja, nemikonto yabo i be oncelemba; isizwe a si yi ku i vusa inkemba kwesinye, ba nga be be sa kufunda ukulwa futi.

₅Au, Ndhlu ka Jakobe, wozani, ma si hambe ekukanyeni kuka Jehova.

₆Ngako u ba delile abantu bako, indhlu ka Jakobe, ngokuba bandile ngasempumalanga, ba izanusi njengamaFilisti, nabo ba zijabulisa ngabantwana bezihambi.

₇Izwe labo li gcwele nesiliva negolide, a kuko nokugcina kuwo amagugu abo; izwe labo li gcwele namahashi, a kuko nokugcina kobuningi bezincwele zabo;

₈Izwe labo futi li gcwele nezitombe; ba dumisa umsebenzi wezandhla zabo, wona o wenziwe iminwe yabo.

₉Nomuntu omubi u ya kotama, nomuntu omkulu u ya zitobisa; ngako u nga ba yekeli.

₁₀Ngena etyeni, u zitukuse otulini, ngenxa yokwesaba uJehova, na ngobungcwele bobukosi bake.

₁₁Ukuziqenya komuntu ku ya kutobiswa, nokuzimisa kwabantu ku ya kukotamiswa, uJehova yedwa u ya kuba ngopakemeyo ngalolusuku.

₁₂Ngokuba usuku luka Jehova wamabandhla lu ya kuba ngapezu kwabo bonke aba ziqenyayo nabazipakamisayo, na kubo bonke abapakemeyo; naye u ya kutobiswa.

₁₃Na kuwo onke amasedare eLebanoni amade, napakemeyo, na kuwo onke amaterebinte a seBashane.

₁₄Na kuzo zonke izintaba ezinde, na kuzo zonke izintatyana ezipakemeyo.

₁₅Na kuzo zonke izinqaba ezipakemeyo, na kuzo zonke izindonga ezibiyiweyo.

₁₆Na kuyo yonke imikumbi ya seTarshishi, na kuyo yonke imifanekiso emihle.

₁₇Nobukulu babantu bu ya kutambiswa, nokuziqenya kwabantu ku ya kutobiswa; uJehova yedwa u ya kuba ngopakemeyo ngalolosuku.

₁₈Nezitombe u ya kuziqeda nya.

₁₉Ba ya kungena emigodini yamatye, na kuyo imihume yomhlaba ngenxa yokumesaba uJehova, na ngobungcwele bobukosi bake, lapo e vukayo ukuzamazamisa ngokwesabekayo umhlaba.

₂₀Ngalolusuku umuntu u ya kuponsa izitombe zake zesiliva, nezegolide, a zenzileyo ukuzidumisa yena kuwo amavukuzi na kuwo amalulwane;

₂₁Ukungena emigodini yamatye, na nga pezu kwamatye a iziwa, ngokumesaba uJehova, na ngobungcwele bobukosi bake, lapo e vukayo ukuzamazamisa umhlaba ngokwesabekayo.

₂₂Pezani kubantu, aba mpefumlo wabo u semakaleni abo, ngokuba ku ya kutiwa u yini yena na?