ISAHLUKO 4

₁UMA u ya kubuya, Israeli, u tyo uJehova, buyela kimi; uma u susa ebusweni bami izinto zako ezinengekayo, a ku yi kuba ondindayo;

₂Kodwa, funga ngokuti, uJehova u ya pila, ngeqiniso, ngomteto, na ngokulunga; izizwe zonke zi ya kuzibusisa ngaye, zi bonge ngaye.

₃U tyo uJehova kubantu ba seJuda naba seJerusalema ukuti, limani insimu yenu, ni nga hlwanyeli emeveni.

₄Zisokeleni kuJehova, ni suse ijwabu lenhliziyo yenu, nina bantu baka Juda nabake eJerusalema; funa ku pume ulaka lwami njengomlilo, lu tyise, ku nga bi ko o lu cimayo, ngobubi bemisebenzi yenu.

₅Memezelani kwaJuda, ni bazise naba seJerusalema, ni kulume, ni tyaye itilongo ezweni, ni memeze ngamandhla, ni ti, Butanani, si ngene emizini evikelweyo.

₆Pakamisani isiboniso si bheke eZioni, ni baleke, ni nga libali; ngokuba ngi ya kuleta okubi ku vela enyakato nokucita okukulu.

₇Ingonyama i ya puma esihlahleni sayo, nocita izizwe u sukile; u pumile endaweni yake ukuba a cite izwe lako; imizi yako i ya kuciteka, ku nga bi ko muntu kuyo.

₈Ngaloku fakani indwangu yamasaka, ni kale, ni bubule: ngokuba ulaka olukulu luka Jehova lu nga buyi kiti.

₉Ku ya kuti nga lolosuku, u tyo uJehova; inhliziyo yenkosi i ya kufa, nenhliziyo yezikulu, abapristi betuke, nabaprofeti ba tutumele.

₁₀Nga se ngi ti, Au, Nkosi Jehova, impela u ba kohlisile kakulu lababantu neJerusalema, u ti, Ni ya kuba nokutula, kepa inkemba i finyelele na sempefumlweni.

₁₁Nga lesosikati ku ya kutyiwo kulababantu na seJerusalema ukuti, Umoya otyisayo wezintaba za sehlane u yeza entombini yabantu bami, ku nge siwo owokwela nokuhlambulula.

₁₂Umoya omkulu o vela kona u yeza kimi; na manje ngi ya kubalahla.

₁₃Bheka, u yenyuka njengamafu, izinqola zake zi njengezivunguvungu, amahashi ake a namajubane ku nezinkozi. Nako kitina, si citiwe.

₁₄Jerusalema, hlanza inhliziyo yako, u kipe okubi, ukuba u sindiswe. Izizindhlo zako ezimbi zi ya kuhlala kuwe ku ze ku be nini na?

₁₅Loku izwi lomemezayo li vela eDani, nelobikayo usizi li vela entabeni ka Efraimi.

₁₆Zi tyeleni izizwe, ni bike eJerusalema; abaqameli ba vela ezweni eli kude, ba memeza emizini ka Juda.

₁₇Njengabalinda insimu ba li pahlile, ngokuba li ngi hlubukile, u tyo uJehova.

₁₈Ukuhamba kwako nemisebenzi yako i kwenzele loku; loku ku ukona kwako, impela ku ya baba, impela ku finyelele na senhliziyweni yako.

₁₉Izibilini zami! izibilini zami! ngi nobuhlungu enhliziyweni yami; inhliziyo yami i ya bakuza; ngi nge tule, ngokuba u zwile mpefumlo wami, ukukala kwetilongo, ukuhlaba umkosi wempi.

₂₀Ku ya bikwa ukufa nokufa, izwe lonke li citekile; izindhlu zami zi ya citwa ngokuzumeka, otente bami ngokupazima kweso.

₂₁Ngi ya kubona isiboniso, ngi zwe ukukala kwetilongo ku ze ku be nini na?

₂₂Impela abantu bami ba iziula, a ba ngazi; ba ngabantwana aba izipukupuku, a ba nakuqonda; ba hlakanipela ukwenza okubi, kepa a ba kwazi ukwenza okulungileyo.

₂₃Ngi kangela umhlaba, bheka, u citekile, u ze; ngi kangela nezulu, kepa a kuko ukukanya kwalo.

₂₄Ngi kangela izintaba, bheka, zi ya tutumela, namagquma onke a ya zamazama.

₂₅Ngi kangela, bheka, akuko muntu; nezinyoni zezulu zi mukile.

₂₆Ngi kangela, bheka, izwe elivundileyo se li ugwadule, nemizi yonke yalo i bidhlikile, pambi kuka Jehova, pambi kolaka lwake oluvutayo.

₂₇Ngokuba u tyilo Jehova ukuti, izwe lonke li ya kuciteka, kodwa a ngi yi kuliqeda impela.

₂₈Nga loku umhlaba u ya kulila, izulu li be mnyama; ngokuba ngi tyilo, ngi ku misile, a ngi yi kupenduka, a ngi yi kubuya kuko.

₂₉Umuzi wonke u ya kubaleka ngomsindo wabamahashi nabemicibityolo; ba ya kungena emahlatini, benyukele ematyeni; imizi yonke i ya kushiywa, ku ngaki muntu kuyo.

₃₀U ya kwenzani, wena o za kuciteka? Noma u gqoka okubomvu, noma u vata igolide, noma u huqa amehlo ako ngomuti, u ya kuhloba ngeze; aba ku tandayo ba ya kukudela, ba fune ukuba u fe.

₃₁Ngi zwile izwi kungati elomfazi obeletayo, ukukala kungati okwake ozibulayo; izwi lendodakazi ya seZioni, e hehezela, yelula izandhla zayo, i ti, Nako kimina, umpefumlo wami u pela mandhla ngenxa yababulali.