ISAHLUKO 19

₁WA pendula uJobe, wa ti,

₂Ko ze ku be nini ni hlupa umpefumlo wami, ni ngi hlaba ngamazwi?

₃Se ku izikati ezi ishumi ni ngi sola; a ni nanhloni nokuba ni ya zenza, ni be lukuni kimi.

₄Nokuba ngonile impela icala lami li kimina ngedwa.

₅Nempela ni ya zikukumeza kimi ni qinisa ngami ihlazo lami na?

₆Azinike ukuba uTixo o ngi citile, wa ngi pahla ngeneta lake.

₇Bheka ngi ya kala ngi ti kubi; kodwa a ngi zwakali; ngi kalela ukusizwa kepa, ka ko o li tetayo icala.

₈U yi biyele indhlela yami ngi nge dhlule, u bekile ubumnyama ezindhleleni zami.

₉U ngapucile udumo lwami, wa susa umqele ekanda lami.

₁₀U ngi citile emacaleni onke, se ngi pelile; u susile ukwetemba kwami njengomuti.

₁₁U ngi vusele ulaka lwake, u ngi balile njengezita zake.

₁₂Amabuto ake a hlangana, e ze kimi e vimbezele idokodo lami.

₁₃U ba bekile kude nami abafo wetu, nabangane bami ba hlukene nami impela.

₁₄Abakiti ba nyamalele, nezihlobo zami zi kohliwe imina.

₁₅Abahlalayo kwami, nezincekukazi zami zi ti ngi ngumfokazi; ngi ngo wezizwe emehlweni abo.

₁₆Ngi yi bizile inceku yami, a yi sabelanga; nga yi ncenga ngomlomo wami.

₁₇Umoya wami u su mubi kumkami, nokuncenga kwami kubafo wetu.

₁₈Yebo, abantwana aba amashingana ba ya ngi delela; nga suka, ba kuluma ngami.

₁₉Nemihlobo yami yenhliziyo se ngi ya i nukela, nabo e nga ngi tandana nabo, se be ngi hlubukile.

₂₀Itambo lami li namatele esikumbeni sami na senyameni yami ngi sinde ngamazinyo kodwa.

₂₁O mihlobo yami! ngi haukeleni, ngi haukeleni; ngoba isandhla sika Tixo, si ngi patile.

₂₂Ni ngi hlupelani njengaye uTixo, a ni suti ngenyama yami na?

₂₃Sengati amazwi ami nga e baliwe! sengati nga e cindezelwa encwadini!

₂₄Sengati nga e lotyiwe ngepeni lensimbi, na ngomtofu etyeni ku ze ku be u ngunapakade!

₂₅Ngoba ngi yazi umkululi wami u kona, nokuba ekupeleni u ya kuma emhlabeni;

₂₆Noko se u pelile umzimba wami, ngi ya ku m bona uTixo ngi nenyama yami.

₂₇Ngi ya ku m bona uqobo lwami, ngawami amehlo, e nge siye e ngi nga maziyo; umpefumlo wami u ya pela esifubeni sami.

₂₈Uma ni ti, Si ya ku m xotyisa kanjani na, ngoba isiqu sendaba si kimi?

₂₉Ma ni yesabe inkemba; ngoba ulaka lu veza izinhlupo zenkemba, ukuba nazi ku kona ukutetwa kwamacala.