ISAHLUKO 26

₁KEPA uJobe wa pendula, wa ti,

₂U m sizile kanjani o nge namandhla na? U yi sindisa kanjani, ingalo i nge namandhla na?

₃U m yalile kanjani, o nge nakwazi na? U li pimisile kanjani iqiniso lendaba na?

₄U wa shumayele kubani amazwi na? Umoya kabani o pume kuwe na?

₅Izitunzi zabafayo ezi pansi kwamanzi zi ya tutumela nabake kona.

₆Ihaidesi li vulekile pambi kwake, nendawo yokubujiswa a i nasisibekelo.

₇Welula izulu la senyakato pezu kweze, u panyeka umhlaba ezeni.

₈U ya bopa amanzi emafwini ake; namafu a ka hlukani pansi kwawo.

₉U ya fihla isihlalo sake sokubusa, u yeneka ifu lake pezu kwaso.

₁₀U biyele amanzi, ku ze ku pele imini, nobusuku.

₁₁Izinsika zezulu zi ya tutumela, zimangale ngokuteta kwake.

₁₂U ya vusa ulwandhle ngamandhla ake, na ngokuqonda kwake u ya nquma abaziqenyayo.

₁₃Ngomoya wake izulu li ya kazimula, isandhla sake si bumbile inyoka ezi pindayo.

₁₄Bhekake loku ku izinxenyana nje zezindhlela zake, ku zwakala ukunyenyeza okuncinyane kwake, kodwa udumo lwamandhla ake ubani o nga lu qondayo na?