ISAHLUKO 11

₁KWA ti, uJabini inkosi ya seHazori e sezwa loko, wa tuma kuJobabe inkosi ya seMadoni, na senkosini ya seShimroni, na senkosini ya seAkshafa.

₂Na semakosini a senyakato, ezintabeni, na semfundeni nga seningizimu kweKinerota, na sesihlanjeni, na sezintabeni za seDori nga sempumalanga.

₃Na kuwo amaKenani nga sempumalanga na nga sentyonalanga, na kuwo amaAmori, namaHiti, namaPerizi, namaJebusi, ezintabeni, namaHivi nga pansi kweHermoni ezweni la seMizpa.

₄Ba puma, bona namabuto abo; abantu abaningi, njengesihlabati esi sogwini lolwandhle ngobuningi, namahashi, nezinqola eziningi.

₅A butana lawo makosi onke, eza a ngenisa ndawonye nga semanzini a seMeroma, ukuba a lwe nabaIsraeli.

₆uJehova wa ti kuJoshua, U ngesabi ngenxa yabo; ngokuba ngomso nga lesisikati, ngi ya kubanikela, be bulewe, pambi kuka Israeli; u ya kunquma imisipa yamahashi abo, u tyise izinqola zabo ngomlilo.

₇Wa fika uJoshua nabo bonke abantu bempi, ba ba zuma nga semanzini a seMeroma, ba ba dumela.

₈uJehova wa ba nikela esandhleni sabaIsraeli; ba ba bulala, ba ba xotya ba za ba fika eZidoni elikulu, na seMisrefotamaima, na semfundeni ya seMizpa nga sempumalanga; ba ba bulala; a ba shiyanga namunye o wa salayo.

₉uJoshua wenza kubo njengokutyo kuka Jehova kuye; wa nquma imisipa yamahashi abo, wa tyisa izinqola zabo ngomlilo.

₁₀Wa buya uJoshua nga lesosikati, wa nqoba iHazori, wa bulala inkosi yalo ngenkemba; ngokuba iHazori la li inhloko yemibuso yonke ngapambili.

₁₁Ba bulala abantu bonke aba kulo, ba ba qeda; ka salanga namunye opefumlayo; wa tyisa iHazori ngomlilo.

₁₂uJoshua wa nqoba imizi yonke ya lawo makosi, namakosi onke ayo, wa wa bulala ngobukali benkemba, wa wa qeda, njengokuyala kuka Mosi, inceku ka Jehova.

₁₃Kepa abaIsraeli ka ba tyisanga namunye umuzi owa u mi entabeni ngapandhle kweHazori; uJoshua wa tyisa lowo kupela.

₁₄Abaka Israeli ba zipangela imfuyo yonke ya lemizi nezinkomo; kepa ba bulala abantu bonke ngenkemba, ba za ba ba qeda; a ba shiyanga namunye opefumlayo.

₁₅Njengaloku uJehova wa m yala uMosi, inceku yake, uMosi wa m yala uJoshua; wenza njalo uJoshua; ka yekanga into kuko konke uJehova a m yala uMosi ngako.

₁₆uJoshua wa li nqoba lelozwe lonke, izintaba, nezwe lonke la seningizimu, nezwe lonke la seGosheni, nesihlambo, nemfunda, nezintaba zika Israeli, nezihlambo zazo;

₁₇Ku suka entabeni ya seHalaka, enyukelayo eSira, ku ze ku fike eBalgadi, emfundeni ya seLebanoni, ngapansi kwentaba ya seHermoni; wa bamba amakosi onke abo, wa wa bulala, wa wa qeda.

₁₈uJoshua wa lwa na lawo makosi onke isikati eside.

₁₉Wa u nge ko umuzi owa hlangana nabaka Israeli, ngapandhle kwamaHivi, abantu ba seGibeoni; ba i nqoba yonke eminye ngokulwa.

₂₀Ngokuba kwa ku ngokuka Jehova ukuqinisa izinhliziyo zabo, ukuba ba hlasele kubaIsraeli, ukuba a ba qede, ba be nge nakuhaukelwa, kodwa a ba qede njengokuba uJehova wa m yala uMosi.

₂₁Nga lesosikati uJoshua weza, wa cita amaAnakime ezintabeni, eHebroni, eDebiri, eHanabi, na sezintabeni zonke za kwaJuda, na sezintabeni zonke za kwaIsraeli, uJoshua wa wa qeda kanye nemizi yawo.

₂₂Ka shiywanga amaAnakime ezweni labaka Israeli; a sala eGaza, na seGati, na seAshdodi kupela.

₂₃uJoshua wa tabata izwe lonke njengako konke a ku tyoyo uJehova kuMosi; uJoshua wa ba nika abaIsraeli lona, ukuba ba li fuye, njengokwabelwa kwabo ngezizwe zabo. Izwe la pumula ekulweni.