1NXA umuntu e nikela kuJehova umnikelo wempupu, umnikelo wake a u be impupu enhle; a tele amafuta kuyo, a beke kuyo nelebona;
2A u lete kuwo amadodana ka Aroni, abapristi; umpristi a capune kuwo, ku gcwale isandhla, kuyo impupu yawo, namafuta awo, a tabate nelebona lonke lawo; umpristi a tyise isikumbuzo sawo elatini, ku be umnikelo womlilo, ipunga elimnandi kuJehova;
3Umnikelo wempupu oseleyo wo ba oka Aroni namadodana ake; ku ngcwelengcwele eminikelweni yomlilo ka Jehova.
4Nxa u leta umnikelo o umnikelo wempupu epekiweyo eziko, a u be izinkwana ezi nga vutyelwe zempupu enhle zi telwe amafuta, noma izinkwana, ezi izincwecwe, ezi nga vutyelwe, zi telwe amafuta.
5Uma umnikelo wako u umnikelo wempupu epekiweyo epenini, a u be impupu enhle e nga vutyelwe, i telwe amafuta.
6U u hlepule izingcezu, u tele amafuta kuwo; u umnikelo wempupu.
7Uma umnikelo wako u umnikelo wempupu epekiweyo ebodweni, a wenziwe ngempupu enhle namafuta.
8U lete ku Jehova umnikelo wempupu owenziwe ngaloku; nanxa u nikelwa kumpristi, ka u lete elatini.
9Umpristi ka tabate isikumbuzo kuwo umnikelo wempupu, a si tyise elatini; ku umnikelo womlilo, ipunga elimnandi ku Jehova.
10Umnikelo oseleyo wo ba oka Aroni namadodana ake; ku ngcwelengcwele eminikelweni yomlilo ka Jehova.
11A ku nga bi ko umnikelo wempupu, eni u letayo kuJehova, owenziwe ngemvubelo; ngokuba ni nga tyisi imvubelo, nezinyosi emnikelweni womlilo.
12A no ku nikela ku Jehova, ku be umnikelo wolibo; kepa a ku nga tyiswa elatini, ku be ipunga elimnandi.
13Iminikelo yonke yeminikelo yako yempupu a i telwe usaoti, u nga yeki ukutela usaoti wesivumelwano sika Tixo wako emnikelweni wako wempupu; u nikele usaoti kanye neminikelo yonke yako.
14Uma u nikela kuJehova umnikelo wolibo, wo nikela umnikelo wolibo lwako, izikwebu ezitya zamabele zosiwe ngomlilo, amabele a kandiweyo.
15U tele amafuta kuwo, u beke kuwo nelebona, ku umnikelo.
16Umpristi a tyise isikumbuzo sawo, amanye amabele awo akandiweyo, namanye amafuta awo kanye nalo lonke ilebona lawo; ku umnikelo womlilo kuJehova.
