ISAHLUKO 2

₁KWA ti ngenyanga uNisana ngomnyaka wamashumi amabili ka Artasasta inkosi, iwaini la li pambi kwake; nga tata iwaini, nga li nika inkosi. Nga ngi kade ngi dabukile ngi pambi kwayo.

₂Ngako inkosi ya ti kimi, Ubuso bako bu nyukumaleleni na? loku a u guli? loku ku ubuhlungu benhliziyo kupela. Kona ngesaba kakulu.

₃Nga ti enkosini, Inkosi ma i me njalo; ku nani ukuba ubuso bami bu nyukumele loku umuzi o indawo yezingcwaba za okoko bami, u citekile, namasango awo a tyiswa ngomlilo?

₄Lapo inkosi ya ti kimi, U celani na? Njalo nga kuleka kuTixo wa sezulwini.

₅Nga ti enkosini, Uma inkosi i tanda, uma inceku yako i tolile umusa emehlweni ako, ma u ngi tume ngi ye kwaJuda, emuzini wezingcwaba za okoko bami, ukuba ngi wake.

₆Inkosi ya ti kimi, inkosikazi ya i hlezi ecaleni kwayo. U ya kuhamba isikati esingakanani na? U ya kubuya nini na? Njaloke kwaba kuhle enkosini uku ngi tuma; nga yi nqumela isikati esitile.

₇Futi nga ti enkosini, Uma ku kuhle enkosini ma ngi nikwe izincwadi zi ye kwababusayo ngapesheya komfula ukuba ba ngi qubele ngi ze ngi fike kwaJuda;

₈Kanye nencwadi i ye kuAsafa umlindi wehlati lenkosi, ukuba a ngi nike imiti ngi ze ngenze amasango esigodhlo sendhlu neyodonga lomuzi, neyendhlu e ngi za kungena kuyo. Inkosi ya ngi vumela njengesandhla esilungileyo sika Tixo esi pezu kwami.

₉Kona ngeza kubabusi ngapesheya komfula, nga nika kubo izincwadi zenkosi Inkosi ya be i tumile nami izinduna zamabuto, nabakwele amahashi.

₁₀Lapo bezwa lendaba oSanbalati umHoroni, noTobia inceku, umAmoni kwa ba hlupa kakulu ngoba kwa se ku fikile umuntu e ze ku siza abantwana baka Israeli.

₁₁Njalo ngeza eJerusalema, nga hlala kona izinsuku ezintatu.

₁₂Nga vuka ebusuku mina kanye nabantu aba be ngakanani, a ngi bonanga ngi tyela muntu loku uTixo a ku beka enhliziyweni yami, ukuba ngi kwenze eJerusalema; futi nga ngi nge nasilwane, ngapandhle kwa leso e nga ngi kwele kuso.

₁₃Nga puma ebusuku ngesango lemfunda, ngapambili komtombo wesilo na sesangweni lobulongwe, nga buka izindonga zeJerusalema eza zi bidhlikile namasango alo e tyiswe ngomlilo.

₁₄Nga buya nga dhlulela esangweni lomtombo, na secibini lenkosi kepa ya ingeko indawo lapo si nga dhlula kona isilwane e nga ngi kwele kuso.

₁₅Kona nga kupuka ebusuku nga secibini, nga bheka udonga, nga buya nga ngena ngesango lemfunda njalo nga buya.

₁₆Ababusayo ba be ngazi lapo nga ya kona, na loku e ngi kwenzayo, futi nga ngi nga ka ba tyeli abaJuda nabapristi, nezikulu, nababusayo, nabanye aba wenzayo umsebenzi.

₁₇Kona nga ti kubo, ni ya bona ukuhlupeka kwetu, loku iJerusalema li citekile, amasango alo a tyiswe ngomlilo; wozani, ma sake futi izindonga zeJerusalema ukuze si nga be si se sa ba ihlazo.

₁₈Kona nga ba tyela ngaso isandhla sika Tixo wami e sa si lungile kimi; futi nga ba landisa namazwi enkosi e ya wa kuluma kimi. Ba ti, a ke si suke, njalo ba qinisela lomsebenzi olungileyo, izandhla zabo.

₁₉Kepa lapo oSanbalati umHoroni, noTobia inceku, umAmoni, noGeshemu umArabia, be zwa loku ba si hleka usulu ba si binqa be ti, Yini loku e ni kwenzako na? Ni zo hlubuka enkosini na?

₂₀Kona nga ba pendula, nga ti, kubona uTixo wa sezulwini u ya kusisiza, ngako tina si izinceku zake so vuka, sake; Kepa nina a ni nasabelo a ni namsebenzi, a ni nakukunjulwa eJerusalema.