ISAHLUKO 18

₁UJEHOVA wa ti kuAroni, Wena namadodana ako nendhlu kayihlo kanye nawe, ni ya kutwala izono zendhlu e ingcwele, nawe kanye namadodana ako no twala izono zobupristi bako.

₂Nabafo wenu futi besizwe sakwa Levi, isizwe sika yihlo, ba lete kanye nawe ukuba ba hlanganiswe nawe, ba konze kuwe: kodwa wena namadodana ako no konza ngapambi kwetabanekele lomteto.

₃Ba wondhle umsebenzi wako, nomsebenzi walo lonke itabanekele; kodwa a ba yi kusondela ezityeni ezi ingcwele nelati, ukuze bona, nawe futi, ni nga fi,

₄Ba ya kuhlanganiswa nawe, bondhle umsebenzi wetabanekele lebandhla, kuwo wonke umsebenzi wetabanekele: nesihambi si nga sondeli kini.

₅Ni wondhle umsebenzi wendhlu e ingcwele, nomsebenzi welati: ukuze lu nga be lu sa biko ulaka futi pezu kwabantwana baka Israeli.

₆Futi mina, bheka, mina ngi ba tatile abafo wenu abaLevi kubantwana baka Israeli: ba nikwe nina ba be isipo sika Jehova, ukuwenza umsebenzi wetabanekele lebandhla.

₇Ngakoke wena namadodana ako kanye nawe ni ya kuwulungisa umsebenzi wobupristi kuko konke okwelati, na ngapakati kweveli; ni ya kusebenza; ngi ni nikile umsebenzi wenu wobupristi u be umsebenzi wesipo: isihambi esi sondelayo si ya kubulawa.

₈uJehova wa kuluma kuAroni, wa ti Bheka, Ngi ku misile ukuba u mele imihlabelo yami e ponswayo kuko konke oku ingcwele kwabantwana baka Israeli; ngi ku nike wena loku ngenxa yokugcotywa, na kumadodana ako, ngomteto ku ze ku be pakade.

₉Loku ku ya kuba okwako ezintweni ezi ingcwele kakulu, ezi nga yisiwa emliliweni: konke okuletiweyo kwabo, wonke umhlabelo wabo wenyama, nawo wonke umhlabelo wabo wesono, nawo wonke umhlabelo wabo wokushinga, a ba ku leta kimina, loku ko ba ngcwele kakulu kuwena na kumadodana ako.

₁₀Wo kudhla endaweni e ingcwele kakulu, isilisa sonke si ya kukudhla: ko ba ngcwele kuwena.

₁₁Na loku ku ngokwako; umhlabelo oponswayo wesipo sabo, kanye nomhlabelo wonke wokuzuliswa wabantwana baka Israeli ngi wu nikele wena, namadodana ako namadodakazi ako kanye nawe, u be umteto njalo njalo: bonke aba hlambulukileyo endhlini yako ba ya kukudhla,

₁₂Konke okuhle kwamafuta, nokwewaini, nokuka kolweni, izitelo zakuqala zazo ezi nikwa kuJehova, ngi ku nikile kona.

₁₃Nako konke okuvutwa kuqala ezweni, a ba ku letayo ku Jehova, ko ba ngokwako; bonke aba hlambulukileyo endhlini yako ba ya kukudhla,

₁₄Konke okubekiweyo uIsraeli koba ngokwake.

₁₅Konke okuzalayo enyameni yonke aba ku leta kuJehova, noma umuntu noma isilwane, ko ba okwako; noko izibulo lomuntu u ya kulikulula impela, namazibulo ezilwane ezingcolileyo u ya kuwakulula.

₁₆Nazo ezi ya kukululwa emva kwenyanga inye u ya kukulula, njengokubona kwako, ngemali yamashekeli a isihlanu, njengeshekeli lendhlu e ingcwele, eli ngamagera a ngamashumi amabili.

₁₇Kodwa okwamazibulo kwenkomo nokwemvu nokwembuzi, a u yi ku ku kulula; ku ingcwele; u ya kufafaza igazi lako pezu kwelati, u tyise amafuta a bo a be umhlabelo womlilo, wepunga eli mnandi kuJehova.

₁₈Nenyama yawo i be ngeyako, njengebele nehlombe lokunene, ku okwako.

₁₉Yonke imihlabelo yokupakanyiswa yezinto ezi ingcwele, e nikwa uJehova ngabantwana baka Israeli, ngi i nike wena, namadodana namadodakazi kanye nawe, ku be umteto njalo njalo: ku isivumelwano sika saoti kuwena na kwabako ngapambi kuka Jehova ku be njalo njalo.

₂₀uJehova wa kuluma kuAroni, wa ti A u yi kuba nalo ifa ezweni labo, u nga bi nandaba futi kubona; mina ngi ngowako nefa lako kubantwana baka Israeli.

₂₁Bheka, ngi ba nikile abakwaLevi zonke izinxenye zeshumi kwaIsraeli zi be ifa labo, ngomsebenzi wabo aba wenzayo, umsebenzi wetabanekele lebandhla.

₂₂Nabantwana baka Israeli ma ba ngabe ba sa sondela kulo itabanekele lebandhla, funa ba be nesono, ba fe.

₂₃Kodwa abaLevi ba ya kwenza umsebenzi wetabanekele lebandhla, ba twale izono zabo; ku be umteto njalo njalo kuze izizukulwana zenu ukuti aba nalo ifa kubantwana baka Israeli.

₂₄Kodwa izinxenyana zeshumi zabantwana baka Israeli, aba zi nikayo zi be izipo zokupankanyiswa ku Jehova, ngi zi nikile abaLevi uku zi fuya: ngako ngi ba tyelile ukuti, kubantwana baka Israeli a ba yi kufuya luto.

₂₅uJehova wa kuluma kuMosi, wa ti,

₂₆Kuluma kwaba kwaLevi, u ti kubona, Lapo ni tatayo kubantwana baka Israeli izinxenye zeshumi e ngi ni nike zona ngi zi tate kubona zi be ifa lenu ni ya kunikela ngazo kuJehova, inxenye yeshumi yazo.

₂₇Na lomhlabelo wokupakanyiswa u ya kumiselwa nina, kungati umbila endaweni yokubula, nokugcwala kwesikamo sewaini.

₂₈Ka njaloke ni nikele umnikelo ku Jehova kuzo zonke izinxenye zenu zeshumi, e ni zamkela kubantwana baka Israeli, ni nike ko wokupakanyiswa ka Jehova kuAroni umpristi.

₂₉Ku zo zonke izipo zenu konke okupakanyiswayo kuka Jehova no nikela okunonileyo konke kwako okuingcwele kuko.

₃₀Ngako u ya kuti kubona, Lapo se ni ku pakamisile okulungileyo kuko, ko balelwa kubaLevi kube inzalo yendawo yokubula, nenzalo yesikamo sewaini.

₃₁Ni ku dhle ezindaweni zonke, nina nabezindhlu zenu; ngokuba ku isipo senu ngomsebenzi wenu kulo itabanekele lebandhla.

₃₂A ni yi kuba na sono ngenxa yako, lapo se ni ponsile oku peleleyo kuko: ni nga ngcolisi futi izinto ezi ingcwele zabantwana baka Israeli, funa ni fe.