ISAHLUKO 4

₁UJEHOVA wa kuluma kuMosi nakuAroni, e ti,

₂Bala umumo wa ba kwa Kohati kwa ba kwa Levi ngemindeni yabo, ngendhlu ya oyise.

₃Ku qale kwa ba neminyaka e amashumi amatatu naba nga pezulu ku ze ku fike kwa ba neminyaka e amashumi a isihlanu bonke aba ngenayo ebandhleni ukwenza umsebenzi wetabanekele lenhlangano.

₄Loku ku ya kuba umsebenzi waba kwa Kohati etabanekeleni lenhlangano ezintweni ezi ingcwele kakulu.

₅Ekusukeni kwekamu, ku ya kuza uAroni namadodana ake; behlise indwangu yokumboza, ba mboze umpongolo wemiteto ngayo.

₆Ba wembese na ngezikumba zamatahashi be ndhlale pezu kwawo indwangu e luhlaza cwe, ba fake izinti zawo.

₇Na pezu kwetebula lezinkwa zoku bhekelwa bendhlale indwangu e luhlaza, ba beke pezu kwayo izitya, nezinkezo namaboli nezindebe, nesinkwa semihla si bekwe pezu kwayo.

₈Bendhlale pezu kwalo indwangu e bomvu, ba yimboze yona ngezikumba zamatahashi, ba fake izinti zalo.

₉Ba ya kutata indwangu eluhlaza ba mboze uti lwesibani lokukanyisa, namakandelo alo, nezindhlawu zalo, nezitya zamalahle zalo, nezitya zonke zamafuta zalo, aba sebenza ngazo kulo.

₁₀Ba ya kulubeka nezitya zonke zalo, nga pansi kwezikumba zamatahashi, ba ku fake otini lokutwala,

₁₁Nga pezu kwelati legolide bendhlale indwangu eluhlaza ba yimboze ngezikumba zamatahashi ba fake izinti zalo.

₁₂Ba tabate yonke impahla yokukonza aba konza ngayo etabanekeleni; ba yi fake endwangwini eluhlaza ba yimboze ngezikumba zamatahashi ba yi fake otini lokutwala.

₁₃Ba kipe umlota elatini, ba mboze indwangu pezu kwalo.

₁₄Ba beke pezu kwayo zonke izitya zalo aba konza ngazo kulo, nezitya zokutyisela impepo, namabaxa enyama, namaboli, nezitya zelati zonke; ba yimboze ngezikumba zamatahashi, ba fake izinti zalo.

₁₅Lapo uAroni namadodana ake se be qedile ukumboza itabanekele nempahla yonke yalo ekusukeni kwekamu emva kwa loku aba kwa Kohati ba ya kuza ukulitwala; kodwa a ba yi kupata luto oluingcwele funa ba fe. Loku ku umsebenzi waba kwa Kohati etabanekeleni lenhlangano.

₁₆Umsebenzi ka Eleazari indodana ka Aroni umpristi u ya kuba amafuta okukanyisa, nempepo emnandi, nomnikelo wemihla, namafuta okugcoba, nokubheka lonke itabanekele nako konke oku pakati kwalo na sezityeni zalo.

₁₇uJehova wa kuluma kuMosi nakuAroni e ti,

₁₈Ni nga si nqumi isizwe somndeni waba kwa Kohati pakati kwaba Levi.

₁₉Kodwa enzani nje kubo ukuba ba pile ba nga fi impela lapo be sondela ezintweni ezingcwele kakulu: uAroni namadodana ake ba ya kungena, ba be mise, ku be ilowo emsebenzini wake, na semtwalweni wake.

₂₀A ba yi kungena ukubona lapo izinto eziyingcwele zi mbozwa funa ba fe.

₂₁uJehova wa kuluma ku Mosi, e ti,

₂₂Bala umumo waba kwa Gershoni ngezindhlu za oyise ngemindeni yabo.

₂₃U ya kubabala u qale kwa ba neminyaka e amashumi amatatu naba nga pezulu ku ze ku be kwa ba neminyaka e amashumi a isihlanu bonke ku be abangenayo enkonzweni, ukwenza umsebenzi etabanekeleni lenhlangano.

₂₄Lo umsebenzi wemindeni waba kwa Gershoni, ukukonza, nokutwala.

₂₅Ba ya kwetwala izipanyiso zetabanekele, netabanekele lenhlangano, isimbozo salo, nesezikumba zamatahashi ezi nga pezu kwaso, nesipanyiso somnyango wetabanekele, lenhlangano.

₂₆Nezipanyiso zebala nesipanyiso somnyango wesango lebala eli nga setabanekeleni na selatini inxa zonke nezintambo zazo nempahla yonke yokusebenza kuzo nako konke okwenzelwa zona: Ba ya kusebenza konke.

₂₇Njengokutyo ku ka Aroni namadodana ake, ku ya kuba umsebenzi waba kwa Gershoni emitwalweni yonke yabo na semisebenzini yonke yabo, ni ya kubamisa ba gcine imitwalo yonke yabo.

₂₈Lo umsebenzi wemindeni ya kwa Gershoni etabanekeleni lenhlangano: Aba ku gcinayo ku ya kuba pansi kwesandhla sika Itamari indodana ka Aroni umpristi.

₂₉Ku ti amadodana ka Merari u wa bale ngemindeni yawo, ngendhlu ya oyise.

₃₀U ya kuwabala ku qale kwa ba neminyaka e amashumi amatatu naba nga pezulu ku ze ku be kwa ba neminyaka e amashumi a ishlanu, bonke ku be abangenayo enkonzweni ukwenza umsebenzi wetabanekele lenhlangano.

₃₁Iloku aba ya ku kugcina komtwalo wabo, njengomsebenzi wabo wonke etabanekeleni lenhlangano, amaplankwe etabanekele, nezinto zalo, nezinsika zalo, nezisekelo zazo.

₃₂Nezinsika ezi zungeze ibala, nezisekelo zazo, nezikonkwane zazo, nezintambo zazo, kanye nempahla yonke yazo, nomsebenzi wonke wazo: ni bale impahla ngamagama aba yi gcinayo emtwalweni wabo.

₃₃Lo umsebenzi wemindeni yaba kwa Merari, njengomsebenzi wabo bonke etabanekeleni lenhlangano, opansi kwesandhla sika Itamari indodana ka Aroni umpristi.

₃₄uMosi no Aroni nabakulu benhlangano ba bala aba kwa Kohati ngemindeni yabo nangendhlu ya oyise.

₃₅Kwa qala kwa ba neminyaka e amashumi amatatu naba nga pezulu ku ze ku be kwa ba neminyaka e amashumi a isihlanu bonke aba ngenayo enkonzweni yomsebenzi etabanekeleni lenhlangano.

₃₆Bona ababalwayo kubo ngemindeni yabo ba be izinkulungwane ezimbili namakulu a isikombisa, namashumi a isihlanu.

₃₇Laba ibo ababalwayo kubo ngemindeni ya kwa Kohati, bonke aba nga sebenzayo etabanekeleni lenhlangano, ababalwa uMosi noAroni njengokuyala ku ka Jehova ngesandhla sika Mosi.

₃₈Bona ababalwayo ba kwa Gershoni ngemindeni yabo na ngendhlu ya oyise.

₃₉Kwa qala kwa ba neminyaka e amashumi amatatu naba nga pezulu ku ze ku be aba neminyaka e amashumi a isihlanu, bonke abangenayo enkonzweni yomsebenzi etabanekeleni lenhlangano.

₄₀Bona ababalwayo kubo ngemindeni yabo, ngendhlu ya oyise ba be izinkulungwane ezimbili namakulu a isitupa namashumi amatatu.

₄₁Laba ibo ababalwayo bemindeni ya kwa Gershoni kubo bonke aba nga sebenzayo etabanekeleni lenhlangano, aba balwa uMosi noAroni njengokuyala ku ka Jehova.

₄₂Bona ababalwayo bemindeni ya kwa Merari, ngemindeni yabo, ngendhlu ya oyise,

₄₃Kwa qala, kwa ba neminyaka e amashumi amatatu naba nga pezulu ku ze ku be kwa ba neminyaka e amashumi a isihlanu, bonke abangenayo enkonzweni yomsebenzi etabanekeleni lenhlangano.

₄₄Bona ababalwayo kubo ngemindeni yabo, ba be izinkulungwane ezintatu namakulu amabili.

₄₅Labo ababalwayo bemindeni ya kwa Merari, aba balwa uMosi noAroni njengalo izwi lika Jehova ngesandhla sika Mosi.

₄₆Bonke ababalwayo ku ba Levi aba balwa uMosi noAroni nabakulu ba kwa Israeli ngemindeni yabo, ngendhlu ya oyise.

₄₇Kwa qala kwa ba neminyaka e amashumi amatatu naba ne nga pezulu ku ze ku be kwa ba neminyaka e amashumi a isihlanu, bonke abezayo ukwenza umsebenzi wenkonzo no wokutwala etabanekeleni lenhlangano.

₄₈Bona ababalwayo kubo ba be izinkulungwane ezishiyagalombili namakulu amahlanu namashumi a shiyagalombili.

₄₉Njengokuyala ku ka Jehova ba balwa ngesandhla sika Mosi, bonke njengomsebenzi wabo, na njengomtwalo wabo ba balwa njengokutyo kuka Jehova ku Mosi.