ISAHLUKO 29

₁UMUNTU o lulekwa kaningi e yenzintamo yake i be lukuni; wo fohlozwa masinyane, ku nga biko ukusinda.

₂Ekwandeni kwabalungileyo abantu ba ya jabula; kodwa ku busa ababi, abantu ba ya kala.

₃Umuntu o tanda ukuhlakanipa wo jabulisa uyise; kepa o kolana nezifebe wo cita ingcebo.

₄Inkosi ngokwahlula i ya qinisa izwe; kepa o yamukela iminikelo u ya li cita.

₅O teleza amazwi ngakuye o wakelene naye, u yenekela isihibe ngasezinyaweni zake.

₆Ekupambekeni komuntu omubi, si kona isihibe; kepa olungileyo wo hlabelela etabe.

₇Olungileyo u yazi indaba yezimpofana; kodwa omubi a ka yi ku qonda ukwazi.

₈Abantu bokuhlekisa ba ya vutela ulaka emuzini; kodwa abahlakanipileyo ba ya buyisa ulaka.

₉Umuntu ohlakanipileyo e ya ecaleni kanye nomuntu o isiula; wo tukutela a hleke, kodwa akuko ukupeza.

₁₀Abantu begazi ba ya kuzonda olungileyo; kepa abaqoto bo wu funisisa umpefumlo wake.

₁₁Isiula si ya kupumisa lonke ulaka lwaso; kodwa emuva oqondileyo wo linga uku lu tambisa.

₁₂Umbusi u ya yi lalela indaba yamanga na? Zonke izinceku zake zimbi.

₁₃Ompofu nomuntu wempango ba ya hlangana; uJehova u ya kanyisa amehlo abo bobabili.

₁₄Inkosi e bahlula abampofu ngokulungisa, isihlalo sobukosi bayo, so qiniswa ku ze ku be pakade.

₁₅Uswazi nokululeka ko nika ingqondo; kanti umntwana e yekwa nje wo tela unina ihlazo.

₁₆Nxa banda ababi, ukona ku yanda; kodwa abalungileyo bo bona ekuweni kwabo.

₁₇Luleka indodana yako, yo ku pumuza, yebo yo tokozisa umpefumlo wako.

₁₈Nxa si ngeko isibonakaliso, abantu ba yonakala; kepa yena o londa umteto, u busisiwe.

₁₉Inceku a i yi ku lulekwa ngamazwi; noko e zwa, a ka yi ku pendula.

₂₀U ya bona umuntu o tyetya ekukulumeni kwake, ku kona itemba esiuleni, ku naye.

₂₁O yondhla kahle inceku yake, kwa sebuntwaneni, yo ba indodana yake ekupeleni.

₂₂Umuntu o nolaka wo vusa inkani, no vuta ngentukutelo wo vama ukupambeka.

₂₃Ukuzidhla komuntu ko m ehlisela pansi; kodwa umoya otobekileyo wo zuza udumo.

₂₄O hlanganyela isela u ya wu zonda umpefumlo wake; u yezwa isituko kepa a ka si naki.

₂₅Ukwesaba abantu ko beka isihibe; kodwa o temba kuJehova wo gcinwa.

₂₆Baningi aba funa ubuso bombusi; kepa ukulunga komuntu ku vela kuJehova;

₂₇Umuntu onakalayo u isinengiso kwabalungileyo; kanti o qonda ngendhlela u isinengiso kwababi.