IZIHLABELELO 144

₁MA ka bongwe uJehova idwala lami, o ya fundisa izandhla zami ukusondela, neminwe yami ukulwa.

₂Umusa wami, nenqaba yami, idwala lami, nomkululi wami; isihlangu sami, yena e ngi tembile kuye; o tobisa abantu bami pansi kwami.

₃Jehova, umuntu u yintoni na? ukuba u mazi wena? nendodana yomuntu ukuba u yi kumbule na?

₄Umuntu u fana neze; izinsuku zake zi njengetunzi elidhlulayo.

₅Tobisa izulu lako, Jehova, wehle; namata izintaba zi tunqe.

₆Ponsa izinyazi u ba hlakaze; pumisa imisebe yako, u ba sabalalise.

₇Pumisa isandhla sako, u ngi kulule; u ngi sindise emanzini amaningi, esandhleni sabantwana babafo.

₈Abamlomo wabo u shumayela ize, nesandhla sokunene sabo si isandhla sokunene senkohliso.

₉Tixo, ngo hlabelela kuwe igama elitya; ngi ku gwabele ogubwini olu nezintambo ezi ishumi.

₁₀U ye o nika amakosi ukusindiswa; o kulula uDavida inceku yake enkembeni embi.

₁₁Ngi kulule u ngi sindise esandhleni sabantwana babafo, abamlomo wabo u shumayela ize, nesandhla sokunene sabo si isandhla sokunene senkohliso.

₁₂Ukuze amadodana etu a be njengezilimo ezikulayo ebutyeni bazo; namadodakazi etu a be njengamatye amagumbi a baziweyo ngokomkuba wesigodhlo.

₁₃Ukuze izingobo zetu zi gcwale, zi nikele izinhlobo zonke; ukuze izimvu zetu zande ngezinkulungwane nezinkulungwane ezi yishumi ezindhleleni zetu.

₁₄Ukuze izinkabi zetu zetweswe; ukuze ku nga biko ukuhlakazeka nokupuma; i nga biko insolo ezindhleleni zetu.

₁₅Ba ya busiswa abantu aba nje, ba ya busiswa abantu uJehova o nguTixo wabo.