Intuthuzelo evela kwiLizwi – Day 38

₁*InguNdikhoyo nje ondikhanyiselayo,

inguye nje ondisindisayo, ndingoyika ntoni?

InguNdikhoyo nje inqaba yam, ndingoyika bani?

₂Xa bendidlavula abantw' abakhohlakeleyo,

iintshaba zam nabandileqayo,

kokhubeka kwabona, bawe.

₃Nokuba ndingade ndingqongwe ngumkhosi,

andiyi kuba naluvalo konke.

Nokuba ndirhawulwe yimfazwe,

ndiya kuthembela ngoNdikhoyo.

₁Wanga *uNdikhoyo angakuphulaphula ngemini yeembandezelo!

Wanga angakukhusela uThixo kaYakobi!

₂Wanga angakuthumela uncedo luvel' ebhotwe lakhe,

akuxhase esentabeni yeZiyon.

₇Baqhayisa ngeenqwelo zokulwa abanye, abanye ngamahashe;

thina siqhayisa ngoNdikhoyo uThixo wethu.

₈Bona babhukuqwa bawe;

thina sisuka sime ngxishi.

₉Ndikhoyo, mnike amandla oloyiso ukumkani;

sive naxa sizibika kuwe!

₁Ndithe cwaka ndikholose ngoThixo;

kaloku nguye yedwa ondikhululayo.

₂Ndizimela ngaye, nguye ondisindisayo.

Yinqaba yam, soze ndichukunyiswe.

₅Ndithe cwaka, ndikholose ngoThixo;

kaloku nguye yedwa ithemba lam.

₆Ndizimela ngaye, nguye ondisindisayo.

Yinqaba yam, soze ndichukunyiswe.

₇Ndisindiswa nguThixo, uliwonga lam.

UThixo yinqaba yam, ndizimela ngaye.

₈Maxa onke thembelani kuye, bantundini,

nizityand' igila kuye;

kaloku uThixo yinqaba yethu.

₃Ndakuxineka ndikholosa ngawe.

₄UThixo olizwi ndilidumisayo

ndikholosa ngaye ndingenadyudyu.

Soze andenze nto umntu.

₈Uyakubona ukubhadula kwam,

neenyembezi zam uyazibona.

Kaloku uyazibhala ezi zinto.