WEEK 3 – Breathe in… breathe out…
1UJobe wayesemphendula uJehova, wathi:
2“Ngiyazi ukuthi ungenza konke;
alinakuvinjwa icebo lakho.
3Ngubani ositheza iziluleko engenakwazi na?
Ngikhulumile lokho ngingakuqondanga,
izimangaliso ezinkulu kunami ebengingazazi.
4“Ake ungizwe, kukhulume mina;
ngiyakukubuza, wena ungazise.
5Ngangizwile ngawe ngokuzwa kwezindlebe,
kepha manje iso lami liyakubona.
6Ngalokho ngiyazinenga,
ngizisole othulini nasemlotheni.”
13Kepha asithandi, bazalwane, ukuba ningabi nakwazi ngabalalayo, ukuze ningadabuki njengabanye abangenalo ithemba. 14Ngokuba uma sikholwa ukuthi uJesu wafa, wavuka, ngokunjalo-ke uNkulunkulu uyakubaletha nabaleleyo kuJesu kanye naye. 15Ngokuba lokho sikusho kini ngezwi leNkosi ukuthi thina, esisekhona sisasele kuze kube sekufikeni kweNkosi, asiyikubandulela nempela abaleleyo, 16ngokuba iNkosi uqobo iyakwehla ezulwini ngezwi lenhlokomo, ngephimbo lengelosi enkulu nangecilongo likaNkulunkulu, nabafileyo kuKristu bayakuvuka kuqala, 17khona thina, esisekhona sisasele siyakuhlwithwa kanye nabo emafwini, sihlangabeze iNkosi emoyeni; kanjalo-ke siyakuba nayo iNkosi njalo. 18Ngakho-ke duduzanani ngalawo mazwi.
