To The Word – Day 138

₁Amadodana kaLevi: ngoGereshoni, noKohati, noMerari. ₂Amadodana kaKohati: ngo-Amramu, noJisihari, noHebroni, no-Uziyeli. ₃Abantwana bakwa-Amramu: ngo-Aroni, noMose, noMiriyamu. Amadodana ka-Aroni: ngoNadabi, no-Abihu, no-Eleyazare, no-Itamari. ₄U-Eleyazare wazala uFinehasi; uFinehasi wazala u-Abishuwa; ₅u-Abishuwa wazala uBuki; uBuki wazala u-Uzi; ₆u-Uzi wazala uZeraya; uZeraya wazala uMerayoti; ₇uMerayoti wazala u-Amariya; u-Amariya wazala u-Ahithubi; ₈u-Ahithubi wazala uSadoki; uSadoki wazala u-Ahimahasi; ₉u-Ahimahasi wazala u-Azariya; u-Azariya wazala uJohanani; ₁₀uJohanani wazala u-Azariya; nguye owayengumpristi ethempelini elakhiwa nguSolomoni eJerusalema; ₁₁u-Azariya wazala u-Amariya; u-Amariya wazala u-Ahithubi; ₁₂u-Ahithubi wazala uSadoki; uSadoki wazala uShalumi; ₁₃uShalumi wazala uHilikiya; uHilikiya wazala u-Azariya; ₁₄u-Azariya wazala uSeraya; uSeraya wazala uJehosadaki; ₁₅kepha uJehosadaki wamuka lapho uJehova ethumba uJuda neJerusalema ngesandla sikaNebukadinesari.

₁₆Amadodana kaLevi: ngoGereshomu, noKohati, noMerari. ₁₇Nanka amagama amadodana kaGereshomu: oLibini noShimeyi. ₁₈Amadodana kaKohati: ngo-Amramu, noJisihari, noHebroni, no-Uziyeli. ₁₉Amadodana kaMerari: ngoMaheli noMushi. Nansi imindeni yamaLevi njengezindlu zawoyise: ₂₀abakwaGereshomu: nguLibini indodana yakhe, noJahati indodana yakhe, noZima indodana yakhe, ₂₁noJowa indodana yakhe, no-Ido indodana yakhe, noZera indodana yakhe, noJewatherayi indodana yakhe. ₂₂Amadodana kaKohati: ngu-Amindaba indodana yakhe, noKora indodana yakhe, no-Asiri indodana yakhe, ₂₃no-Elkana indodana yakhe, no-Ebiyasafa indodana yakhe, no-Asiri indodana yakhe, ₂₄noTathi indodana yakhe, no-Uriyeli indodana yakhe, no-Uziya indodana yakhe, noShawule indodana yakhe.

₂₅Amadodana ka-Elkana: ngo-Amasayi no-Ahimoti. ₂₆U-Elkana-ke, amadodana ka-Elkana: nguSofayi indodana yakhe, noNahati indodana yakhe, ₂₇no-Eliyabe indodana yakhe, noJerohamu indodana yakhe, no-Elkana indodana yakhe. ₂₈Amadodana kaSamuweli: izibulo nguJoweli, nowesibili ngu-Abiya. ₂₉Amadodana kaMerari: ngoMaheli, noLibini indodana yakhe, noShimeyi indodana yakhe, no-Uza indodana yakhe, ₃₀noShimeya indodana yakhe, noHagiya indodana yakhe, no-Asaya indodana yakhe.

₃₁Nampa uDavide abamisela ukuhola ukuhlabelela endlini kaJehova, umphongolo usubekiwe khona. ₃₂Bakhonza ngokuhlabelela phambi kwetabernakele* letende lokuhlangana, uSolomoni waze wakha indlu kaJehova eJerusalema. Bema emsebenzini wabo njengomthetho wabo.

₃₃Yilaba ababemi namadodana abo: kumadodana amaKohati: nguHemani, umhlabeleli, kaJoweli kaSamuweli ₃₄ka-Elkana kaJerohamu ka-Eliyeli kaThowa ₃₅kaSufi ka-Elkana kaMahati ka-Amasayi ₃₆ka-Elkana kaJoweli ka-Azariya kaZefaniya ₃₇kaThati ka-Asiri ka-Ebiyasafa kaKora ₃₈kaJisihari kaKohati kaLevi ka-Israyeli; ₃₉futhi umfowabo u-Asafa owayemi ngakwesokunene sakhe, u-Asafa kaBerekiya kaShimeya ₄₀kaMikayeli kaBahaseya kaNalikhiya ₄₁ka-Ethini kaZera ka-Adaya ₄₂ka-Ethani kaZima kaShimeyi ₄₃kaJahati kaGereshomu kaLevi. ₄₄Amadodana kaMerari abafowabo ayengakwesokunene: ngu-Ethani kaKishi ka-Abidi kaMaluki ₄₅kaHashabiya ka-Amasiya kaHilikiya ₄₆ka-Amisi kaBani kaShemeri ₄₇kaMaheli kaMushi kaMerari kaLevi.

₄₈Abafowabo amaLevi banikelelwa yonke inkonzo yetabernakele* lendlu kaNkulunkulu. ₄₉Kepha u-Aroni namadodana akhe bashiya iminikelo e-altare leminikelo yokushiswa nase-altare lempepho, benza nawo wonke umsebenzi wendawo engcwelengcwele, benzela u-Israyeli ukubuyisana njengakho konke ayale ngakho uMose inceku kaNkulunkulu.

₅₀Nanka amadodana ka-Aroni: u-Eleyazare indodana yakhe, noFinehasi indodana yakhe, no-Abishuwa indodana yakhe, ₅₁noBuki indodana yakhe, no-Uzi indodana yakhe, noZeraya indodana yakhe, ₅₂noMerayoti indodana yakhe, no-Amariya indodana yakhe, no-Ahithubi indodana yakhe, ₅₃noSadoki indodana yakhe, no-Ahimahasi indodana yakhe.

₅₄Lezi ziyizindawo zawo zokuhlala njengamakamu* awo emikhawulweni yawo: amadodana ka-Aroni emindeni yamaKohati ngokuba yiwona adliwa yinkatho yokuqala ₅₅wona bawanika iHebroni ezweni lakwaJuda namadlelo alizungezayo. ₅₆Kodwa amasimu omuzi nemizana yawo bakunika uKalebi, indodana kaJefune. ₅₇Banika amadodana ka-Aroni imizi yokuphephela, iHebroni neLibina namadlelo awo, neJatiri, ne-Eshitemowa namadlelo awo, ₅₈neHileni namadlelo alo, neDebiri namadlelo alo, ₅₉ne-Ashani namadlelo alo, neBetiShemeshi namadlelo alo, ₆₀nasesizweni sakwaBenjamini, iGeba namadlelo alo, ne-Alemeti namadlelo alo, ne-Anathoti namadlelo alo. Yonke imizi yawo ngemindeni yawo yayiyimizi eyishumi nantathu.

₆₁Amadodana aseleyo kaKohati anikwa ngenkatho emndenini wesizwe, enxenyeni yesizwe, inxenye kaManase, imizi eyishumi, ₆₂namadodana kaGereshomu ngemindeni yawo esizweni sakwa-Isakare, nasesizweni sakwa-Asheri, nasesizweni sakwaNafetali, nasesizweni sakwaManase, eBashani, imizi eyishumi nantathu, ₆₃namadodana kaMerari ngenkatho ngemindeni yawo esizweni sakwaRubeni, nasesizweni sakwaGadi, nasesizweni sakwaZebuloni imizi eyishumi nambili.

₆₄Abantwana bakwa-Israyeli banika amaLevi leyo mizi namadlelo ayo. ₆₅Banika ngenkatho leyo mizi ebizwe ngamagama esizweni sabantwana bakwaJuda, nasesizweni sabantwana bakwaSimeyoni, nasesizweni sabantwana bakwaBenjamini.

₆₆Eminye imindeni yamadodana kaKohati yayinemizi yemikhawulo yayo esizweni sakwa-Efrayimi. ₆₇Bayinika imizi yokuphephela: iShekemi ezintabeni zakwa-Efrayimi namadlelo alo, neGezeri namadlelo alo, ₆₈neJokimeyamu namadlelo alo, neBeti Horoni namadlelo alo, ₆₉ne-Ajaloni namadlelo alo, neGati Rimoni namadlelo alo, ₇₀nasenxenyeni yesizwe sakwaManase i-Anere namadlelo alo, neBileyamu namadlelo alo, ibe ngeyomndeni oseleyo wamadodana kaKohati.

₇₁Amadodana kaGereshomu anikwa emndenini wenxenye yesizwe sakwaManase iGolanu, eBashani, namadlelo alo ne-Ashitaroti namadlelo alo; ₇₂nasesizweni sakwa-Isakare iKedeshi namadlelo alo, neDaberati namadlelo alo, ₇₃neRamoti namadlelo alo, ne-Anemi namadlelo alo; ₇₄nasesizweni sakwa-Asheri iMashali namadlelo alo, ne-Abidoni namadlelo alo, ₇₅neHukoki namadlelo alo, neRehobe namadlelo alo; ₇₆nasesizweni sakwaNafetali iKedeshi eGalile namadlelo alo, neHamoni namadlelo alo, neKiriyatayimi namadlelo alo.

₇₇Aseleyo, amadodana kaMerari, anikwa esizweni sakwaZebuloni iRimono namadlelo alo neGhabori namadlelo alo, ₇₈naphesheya kweJordani ngaseJeriko ngasempumalanga kwaseJordani esizweni sakwaRubeni iBeseri ehlane namadlelo alo, neJahasa namadlelo alo, ₇₉neKedemoti namadlelo alo, neMefahati namadlelo alo; ₈₀nasesizweni sakwaGadi iRamoti kwaGileyadi namadlelo alo, neMahanayimi namadlelo alo, ₈₁neHeshiboni namadlelo alo, neJazeri namadlelo alo.

₁Amadodana ka-Isakare: ngoThola, noPhuwa, noJashubi, noShimroni, bebane. ₂Amadodana kaThola: ngo-Uzi, noRefaya, noJeriyeli, noJahemayi, no-Ibisamu, noShemuweli, izinhloko zezindlu zawoyise, abakwaThola, amaqhawe anamandla ngezizukulwane zawo; umumo wawo ngezinsuku zikaDavide wawuyizinkulungwane ezingamashumi amabili nambili namakhulu ayisithupha. ₃Amadodana ka-Uzi: nguJizirahiya; amadodana kaJizirahiya: ngoMikayeli, no-Obadiya, noJoweli, noJishiya, beyisihlanu, beyizinhloko bonke. ₄Kanye nawo kwakukhona ngezizukulwane zawo ngezindlu zawoyise amaviyo empi yokulwa, abayizinkulungwane ezingamashumi amathathu nesithupha, ngokuba babe nabafazi abaningi namadodana amaningi. ₅Abafowabo kuyo yonke imindeni ka-Isakare, amaqhawe anamandla, babe yizinkulungwane ezingamashumi ayisishiyagalombili nesikhombisa, bebhalwe bonke ngezizukulwane zabo.

₆Amadodana kaBenjamini: ngoBela, noBekeri, noJediyayeli, bebathathu. ₇Amadodana kaBela: ngo-Esiboni, no-Uzi, no-Uziyeli, noJerimoti, no-Iri, beyisihlanu, izinhloko zezindlu zawoyise, amaqhawe anamandla, beyizinkulungwane ezingamashumi amabili nambili namashumi amathathu nane, bebhalwe ngezizukulwane zabo.

₈Amadodana kaBekeri: ngoZemira, noJowashi, no-Eliyezeri, no-Eliyohenayi, no-Omri, noJeremoti, no-Abiya, no-Anathoti, no-Alemeti. Bonke labo babe ngamadodana kaBekeri. ₉Babhalwa ngezizukulwane zabo, beyizinhloko zezindlu zawoyise, amaqhawe anamandla, beyizinkulungwane ezingamashumi amabili namakhulu amabili.

₁₀Amadodana kaJediyayeli: nguBilihani; amadodana kaBilihani: ngoJewushe, noBenjamini, no-Ehudi, noKhenahana, noZethani, noTharishishi, no-Ahishahari. ₁₁Bonke labo babe ngamadodana kaJediyayeli ngezinhloko zezindlu zawoyise, amaqhawe anamandla, beyizinkulungwane eziyishumi nesikhombisa namakhulu amabili abangaphuma impi ukuyokulwa. ₁₂OShuphimi noHuphimi babe ngamadodana ka-Iri; uHushimi wayeyindodana ka-Aheri.

₁₃Amadodana kaNafetali: ngoJasiyeli, noGuni, noJeseri, noShalumi, amadodana kaBiliha.

₁₄Amadodana kaManase: ngu-Asiriyeli owamzalelayo umkakhe; isancinza sakhe umAramukazi sazala uMakiri uyise kaGileyadi. ₁₅UMakiri wathathela oHuphimi noShuphimi abafazi; igama likadadewabo lalinguMahakha. Igama lowesibili lalinguSelofehadi; uSelofehadi wayenamadodakazi. ₁₆UMahakha umkaMakiri wazala indodana, waqamba igama layo ngokuthi uPhereshi; igama lomfowabo lalinguShereshi; amadodana akhe ayengo-Ulamu noRakemi.

₁₇Amadodana ka-Ulamu: nguBedani. Labo babe ngamadodana kaGileyadi kaMakiri kaManase. ₁₈Udadewabo uHamoleketi wazala o-Ishihodi, no-Abiyezeri, noMahela. ₁₉Amadodana kaShemida ayengo-Ahiyani, noShekemi, noLikihi, no-Aniyamu.

₂₀Amadodana ka-Efrayimi: ngoShuthela, noBeredi indodana yakhe, noTahati indodana yakhe, no-Eleyada indodana yakhe, noTahati indodana yakhe, ₂₁noZabadi indodana yakhe, noShuthela indodana yakhe, no-Ezeri no-Eleyadi ababulawa ngabantu baseGati ababezelwe kulelo zwe, ngokuba behla ukuthatha izinkomo zabo. ₂₂U-Efrayimi uyise walila izinsuku eziningi; abafowabo beza ukumduduza. ₂₃Wangena kumkakhe; wamitha, wazala indodana, waqamba igama layo ngokuthi uBeriya,* ngokuba indlu yakhe yayisengozini. ₂₄Indodakazi yakhe yayinguSheyera owakha iBeti Horoni laseNzansi nelaseNhla, ne-Uzeni Sheyera.

₂₅URefa wayeyindodana yakhe, noReshefi, noThela indodana yakhe, noThahani indodana yakhe, ₂₆noLadani indodana yakhe, no-Amihudi indodana yakhe, no-Elishama indodana yakhe, ₂₇noNuni indodana yakhe, noJoshuwa indodana yakhe. ₂₈Ifa labo nezindawo zabo zokuhlala kwakuyiBethele nemizana yalo, nangasempumalanga iNaharani, nangasentshonalanga iGezeri nemizana yalo, neShekemi nemizana yalo, kwaze kwaba se-Aya nemizana yalo; ₂₉nangasemikhawulweni yabantwana bakwaManase iBeti Sheyani nemizana yalo, neThahanaki nemizana yalo, neMegido nemizana yalo, neDori nemizana yalo. Kuleyo kwahlala abantwana bakaJosefa indodana ka-Israyeli.

₃₀Amadodana ka-Asheri: ngoJimna, no-Ishiva, no-Ishivi, noBeriya, kanye noSera udadewabo. ₃₁Amadodana kaBeriya: ngoHebere noMalikiyeli owayenguyise kaBirizayiti. ₃₂UHebere wazala oJafeleti, noShomeri, noHothamu, noShuwa udadewabo. ₃₃Amadodana kaJafeleti: ngoPhasaki, noBimihali, no-Ashivati. Labo babe ngabantwana bakaJafeleti. ₃₄Amadodana kaShemeri: ngo-Ahi, noRohiga, noJehuba, no-Aramu. ₃₅Amadodana kaHelemi umfowabo: ngoSofa, noJimna, noSheleshi, no-Amali. ₃₆Amadodana kaSofa: ngoShuwa, noHarineferi, noShuhali, noBeri, no-Imra, ₃₇noBeseri, noHodi, noShama, noShilisha, noJitrani, noBeyera. ₃₈Amadodana kaJetheri: ngoJefune, noPhisipha, no-Ara. ₃₉Amadodana ka-Ula: ngo-Ara, noHaniyeli, noRisiya.

₄₀Bonke labo babe ngabantwana baka-Asheri, izinhloko zezindlu zawoyise, amaqhawe akhethekileyo anamandla, izinhloko zezikhulu. Umumo wabo ubhalwe ngezizukulwane zabo ukuba balwe empini wawungabantu abayizinkulungwane ezingamashumi amabili nesithupha.

₁UBenjamini wazala uBela izibulo lakhe, no-Ashibeli owesibili, no-Ahara owesithathu, ₂noNoha owesine, noRafa owesihlanu. ₃UBela wayenamadodana: ngo-Adari, noGera, no-Abihudi, ₄no-Abishuwa, noNahamani, no-Ahowa, ₅noGera, noShefufani, noHuramu.

₆Nanka amadodana ka-Ehudi, izinhloko zezindlu zawoyise zabakhe eGeba, ezathunjelwa eManahati, ₇zathunjwa ngoNahamani, no-Ahiya, noGera owazala o-Uza no-Ahihudi.

₈UShaharayimi wazala abantwana ezweni lakwaMowabi esemukisile oHushimi noBahara omkakhe. ₉Wazala kuHodeshi umkakhe oJobabi, noSibiya, noMesha, noMalikamu, ₁₀noJewuse, noShakiya, noMirima. Labo babe ngamadodana akhe, izinhloko zezindlu zawoyise. ₁₁Wazala kuHushimi o-Abithubi no-Eliphahali.

₁₂Amadodana ka-Eliphahali: ngo-Ebere, noMishamu, noShemedi, abakha i-Ono neLodi nemizana yawo, ₁₃noBeriya, noShema, ababe yizinhloko zezindlu zawoyise zabakhe e-Ajaloni, abaxosha abakhe eGati; ₁₄no-Ahiyo, noShashaki, noJeremoti, ₁₅noZebadiya, no-Aradi, no-Edere, ₁₆noMikayeli, noJishipha, noJoha, amadodana kaBeriya, ₁₇noZebadiya, noMeshulamu, noHiziki, noHebere, ₁₈no-Ishmerayi, noJiziliya, noJobabi, amadodana ka-Eliphahali, ₁₉noJakimi, noZikiri, noZabidi, ₂₀no-Eliyenayi, noSilethayi, no-Eliyeli, ₂₁no-Adaya, noBeraya, noShimrati, amadodana kaShimeyi, ₂₂noJishiphani, no-Ebere, no-Eliyeli, ₂₃no-Abidoni, noZikiri, noHanani, ₂₄noHananiya, no-Elamu, no-Anithothiya, ₂₅no-Ifideya, noPhenuweli, amadodana kaShashaki, ₂₆noShamusherayi, noShehariya, no-Athaliya, ₂₇noJahareshiya, no-Eliya, noZikiri, amadodana kaJerohamu. ₂₈Labo babe yizinhloko zezindlu zawoyise, izinhloko ezizukulwaneni zabo, bahlala eJerusalema.

₂₉EGibeyoni kwahlala uyise kaGibeyoni ogama lomkakhe lalinguMahakha; ₃₀izibulo lakhe lalingu-Abidoni, kanye noSuri, noKishi, noBali, noNadabi, ₃₁noGedori, no-Ahiyo, noZekeri. ₃₂Kepha uMikiloti wazala uShimeya. Nabo bahlala nabafowabo eJerusalema malungana nabafowabo.

₃₃UNeri wazala uKishi; uKishi wazala uSawule; uSawule wazala oJonathani, noMaliki Shuwa, no-Abinadaba, no-Eshi Bali.

₃₄Indodana kaJonathani yayinguMeribi Bali; uMeribi Bali wazala uMika. ₃₅Amadodana kaMika: ngoPhithoni, noMeleki, noThareya, no-Ahazi. ₃₆U-Ahazi wazala uJehohada; uJehohada wazala o-Alemeti, no-Azimaveti, noZimri; uZimri wazala uMosa; ₃₇uMosa wazala uBineya; uRafa wayeyindodana yakhe; ngu-Eleyasa indodana yakhe, ngu-Aseli indodana yakhe; ₃₈u-Aseli wayenamadodana ayisithupha; amagama awo yilawa: o-Azirikamu, noBokeru, no-Ishmayeli, noShehariya, no-Obadiya, noHanani. Bonke labo babe ngamadodana ka-Aseli. ₃₉Amadodana ka-Esheki umfowabo: ngu-Ulamu izibulo lakhe, noJewushe owesibili, no-Elifeleti owesithathu. ₄₀Amadodana ka-Ulamu ayengamaqhawe anamandla, ansala umnsalo; ayenamadodana amaningi namadodana amadodana amaningi, eyikhulu namashumi ayisihlanu. Labo babe ngamadodana kaBenjamini.

₁Wabhalwa-ke wonke u-Israyeli ngezizukulwane; bheka, balotshiwe encwadini yamakhosi akwa-Israyeli; uJuda wathunjelwa eBabele ngeziphambeko zakhe. ₂Abakhileyo kuqala emafeni abo emizini yabo babe ngu-Israyeli, nabapristi, namaLevi, namaNethini.*

₃EJerusalema kwahlala kubantwana bakwaJuda, nakubantwana bakwaBenjamini, nakubantwana bakwa-Efrayimi noManase: ₄ngu-Uthayi ka-Amihudi ka-Omri ka-Imri kaBani kubantwana bakwaPheresi kaJuda. ₅KumaShiloni: ngu-Asaya izibulo namadodana akhe. ₆Kumadodana kaZera: nguJehuweli nabafowabo, bengamakhulu ayisithupha namashumi ayisishiyagalolunye. ₇Kumadodana kaBenjamini: nguSalu kaMeshulamu kaHodaviya kaHasenuwa, ₈no-Ibineya indodana kaJerohamu, no-Ela ka-Uzi kaMikiri, noMeshulamu kaShefathiya kaRehuweli kaJibiniya, ₉nabafowabo ngezizukulwane zabo, bengamakhulu ayisishiyagalolunye namashumi ayisihlanu nesithupha. Bonke labo bantu babe yizinhloko zezindlu zawoyise ngokwezindlu zawoyise.

₁₀Kubapristi: ngoJedaya, noJehoyaribi, noJakini, ₁₁no-Azariya kaHilikiya kaMeshulamu kaSadoki kaMerayoti ka-Ahithubi, umphathi wendlu kaNkulunkulu, ₁₂no-Adaya kaJerohamu kaPhashuri kaMalikhiya noMahasayi ka-Adiyeli kaJahizera kaMeshulamu kaMeshilemiti ka-Imeri, ₁₃nabafowabo, izinhloko zezindlu zawoyise, beyinkulungwane namakhulu ayisikhombisa namashumi ayisithupha, amadoda ahlakaniphile emsebenzini wenkonzo yasendlini kaNkulunkulu.

₁₄KumaLevi: nguShemaya kaHashubi ka-Azirikamu kaHashabiya kumadodana kaMerari, ₁₅noBakibakari, noHereshi, noGalali, noMathaniya kaMika kaZikiri ka-Asafa, ₁₆no-Obadiya kaShemaya kaGalali kaJeduthuni, noBerekiya ka-Asa ka-Elkana owahlala emizaneni yamaNethofa, ₁₇nabalindisango oShalumi, no-Akubi, noThalimoni, no-Ahimani, nabafowabo; uShalumi wayeyinhloko. ₁₈Kwaze kwaba kuleso sikhathi babe sesangweni lenkosi ngasempumalanga; babe ngabalindisango bekamu* labantwana bakwaLevi. ₁₉UShalumi kaKore ka-Ebiyasafa kaKora, nabafowabo bendlu kayise, amaKorahi, babephethe umsebenzi wenkonzo, bengabalindisango etabernakele;* oyise babemele ikamu* likaJehova bengabalindisango. ₂₀UFinehasi indodana ka-Eleyazare wayengumbusi phezu kwabo ngesikhathi esidlulileyo. UJehova wayenaye. ₂₁UZakariya indodana kaMeshelemiya wayengumlindisango etendeni lokuhlangana.

₂₂Bonke labo ababekhethiwe ukuba babe ngabalindisango babe ngamakhulu amabili neshumi nambili. Babhalwa ngezizukulwane emizaneni yabo, bamiswa ngoDavide noSamuweli umboni ezikhundleni zabo. ₂₃Bona nabantwana babo babephethe amasango endlu kaJehova, indlu yetende, belinda. ₂₄Abalindi babekhona ezinhlangothini ezine: ngasempumalanga, nangasentshonalanga, nangasenyakatho, nangaseningizimu. ₂₅Abafowabo emizaneni yabo babeyakungena emva kwezinsuku eziyisikhombisa njalo izikhathi ngezikhathi ukuba babe nabo, ₂₆ngokuba abalindi abane abakhulu ababe ngamaLevi babe sesikhundleni njalo, bephethe amakamelo nengcebo endlini kaNkulunkulu. ₂₇Bahlala ebusuku bezungeza indlu kaNkulunkulu, ngokuba kwakungokwabo ukuyilinda, kwakungokwabo futhi ukuyivula ekuseni imihla ngemihla. ₂₈Abanye babephethe izitsha zenkonzo, ngokuba zangeniswa ngokubalwa, zakhishwa ngokubalwa. ₂₉Abanye kubo babemiselwe impahla, nezitsha zonke zendlu engcwele, nempuphu, newayini, namafutha, nenhlaka, namakha. ₃₀Abanye bamadodana abapristi bagxoba amakha aba ngamafutha. ₃₁UMatithiya, omunye wamaLevi, owayeyizibulo likaShalumi umKorahi wayenesikhundla sokubheka izinto ezenziwa amakhanzini. ₃₂Abanye abafowabo bamadodana amaKohati babephethe izinkwa zokubukwa ukuba bazilungise onke amasabatha.

₃₃Kepha abanye, abahlabeleli, izinhloko zezindlu zawoyise zamaLevi, babe semakamelweni bekhululekile kokunye, ngokuba babe semsebenzini wabo imini nobusuku.

₃₄Labo babe yizinhloko zezindlu zawoyise bamaLevi, izinhloko ezizukulwaneni zabo, bahlala eJerusalema.

₃₅EGibeyoni kwahlala uyise kaGibeyoni uJehiyeli ogama lomkakhe lalinguMahakha, ₃₆nendodana yakhe eyizibulo u-Abidoni, kanye noSuri, noKishi, noBali, noNeri, noNadabi, ₃₇noGedori, no-Ahiyo, noZakariya, noMikiloti. ₃₈UMikiloti wazala uShimeyamu. Nabo bahlala nabafowabo eJerusalema malungana nabafowabo. ₃₉UNeri wazala uKishi; uKishi wazala uSawule; uSawule wazala oJonathani, noMaliki Shuwa, no-Abinadaba, no-Eshi Bali. ₄₀Indodana kaJonathani yayinguMeribi Bali; uMeribi Bali wazala uMika. ₄₁Amadodana kaMika: ngoPhithoni, noMeleki, noThareya, no-Ahazi. ₄₂U-Ahazi wazala uJara; uJara wazala o-Alemeti, no-Azimaveti, noZimri; uZimri wazala uMosa; ₄₃uMosa wazala uBineya; uRefaya wayeyindodana yakhe; ngu-Eleyasa indodana yakhe, ngu-Aseli indodana yakhe; ₄₄u-Aseli wayenamadodana ayisithupha; amagama awo yilawa: o-Azirikamu, noBokeru, no-Ishmayeli, noShehariya, no-Obadiya, noHanani; labo babe ngamadodana ka-Aseli.

₁AmaFilisti alwa no-Israyeli; abantu bakwa-Israyeli babaleka phambi kwamaFilisti, bawa begwaziwe entabeni yaseGilibowa. ₂AmaFilisti axosha uSawule namadodana akhe; amaFilisti abulala oJonathani, no-Abinadaba, noMaliki Shuwa, amadodana kaSawule. ₃Impi yaba nzima kuSawule; abacibishelayo bamfica; wakhathazeka ngenxa yabacibishelayo.

₄USawule wayesethi odibini lwezikhali zakhe: Hosha inkemba yakho, ungigwaze ngayo, funa labo abangasokile bafike, bangone. Kepha aluvumanga udibi lwezikhali zakhe, ngokuba lwesaba kakhulu. Ngalokho uSawule wayithatha inkemba, wawela phezu kwayo. ₅Udibi lwezikhali zakhe selubonile ukuthi uSawule ufile, lwawela nalo phezu kwenkemba, lwafa. ₆Wafa-ke uSawule namadodana akhe amathathu; nendlu yakhe yonke yafa kanyekanye.

₇Lapho bonke abantu bakwa-Israyeli ababe sesigodini bebona ukuthi babaleka nokuthi uSawule namadodana akhe bafile, bashiya imizi yabo, babaleka; amaFilisti afika, ahlala kuyo.

₈Kwathi ngangomuso, lapho amaFilisti efika ukuphanga ababuleweyo, afumana uSawule namadodana akhe bewile entabeni yaseGilibowa. ₉Amphanga, athatha ikhanda lakhe nezikhali zakhe, akuthuma ezweni lamaFilisti nxazonke ukukumemezela kuzo izithombe zawo nakubantu. ₁₀Azibeka izikhali zakhe endlini yawonkulunkulu bawo, abethela ikhanda lakhe endlini kaDagoni.

₁₁Selizwile iJabeshi Gileyadi konke amaFilisti ayekwenzile kuSawule, ₁₂kwasuka onke amadoda anamandla, asithatha isidumbu sikaSawule nezidumbu zamadodana akhe, aziletha eJabeshi, awembela amathambo abo phansi kwe-oki* eJabeshi, azila ukudla izinsuku eziyisikhombisa.

₁₃Wafa kanjalo-ke uSawule ngesiphambeko sakhe aphambuka ngaso kuJehova ngenxa yezwi likaJehova angaligcinanga nangokuba kade eyile ukubhula konedlozi ukuba abuze kuye, ₁₄engabuzanga kuJehova; ngalokho-ke wambulala, wabuyisela umbuso kuDavide indodana kaJese.