PSALME ya 91

₁Ge ke dutše mo ke phemelwago ke Yogodimodimo, ka lala moriting wa Yomaatlaohle,

₂ke bolela le Morena ke re: O setšhabelo sa ka, mme o sebo sa ka; o Modimo wa ka yo ke mmotilego.

₃Gobane ke yena a go efelago moutlo wa morei, le lehu le lebe la tshenyego.

₄O go šireletša ka diphego tša gagwe; o khuta ka diphofa tša gagwe; potego ya gagwe ke kotse le sephemo.

₅Tše di šiišago tša bošego o ka se di boife, le ge e le mosebe o betšwago mosegare,

₆le ge e le lehu le lebe le le khukhunago leswiswing, le ge e le tshenyego e bolayago mosegare.

₇Le ge hleng ga gago go ka wa ba sekete, ba dikete tše lesome ba wa lehlakoreng la gago la le letona, di ka se ke tša go fihlela.

₈O tlo fo di boga ka mahlo, wa bona bakgopo ge ba lefeletšwa.

₉Ke ka gobane setšhabelo sa ka e le wena Morena, o ipeetše Yogodimodimo a ba sebo sa gago.

₁₀O ka se ke wa tlelwa ke bošula; dinkhu di ka se batamele lapa lago;

₁₁gobane o go rometše barongwa ba gagwe, gore ba go diše ditseleng tša gago tšohle.

₁₂Ba tlo go kuka ka diatla, gore leoto la gago le se kgopše ke leswika.

₁₃O tlo gata tau le marabe, wa gatakela tau ya ledumaedi le bomamokebe.

₁₄Ke tlo mo phološa ka gobane a nkgomaretše. Ke tlo mo khutiša gobane o tseba leina la ka.

₁₅O tlo mpitša mme nna ke tlo mo kwa, ka ba le yena tlalelong; ke tlo mo namola mme ka mo godiša.

₁₆Ke tlo mo horiša boati bja matšatši, a tlo thaba ge ke mmontšha go phološa ga ka.