UMIKHA 3

Lalelani, nina baphathi bakwaJakopo,

nina babusi bekumba ka-Israyeli.

Bekungakameli bonyana nazi imiyalo na?

₂Kodwana nihloya ukulunga, nithanda ikohlakalo.

Nirathula abantu bekhethu isikhumba

nidabula inyamabo emathanjenabo.

₃Nihlinza abantu bekhethu,

nigome inyamabo

beniqobelele namathambabo abe ziinquqwana;

kwanga niyowafaka kunomaturwana,

iye, kwanga niyowafaka kugalaza.

₄Kuzakufika isikhathi

lapha nizakubiza khona uSomnini,

nokho akazoniphendula;

uzanifulathela ngebanga lekohlakalo yenu.

“Nabaphiwa esinefutha baphorofida bathi

‘Nizakuba nokuthula’,

kodwana umuntu nakangabaphi abakufunako,

bayamlwisa.

₆Ngebangelo kuzakuhlwa kini barholi,

beningasambulelwa;

kube mnyama kini,

beningasaphengula

nabaphorofidi benwabo lizabatjhingela,

bazakuphumbutha emini kwa bha.

₇Abaphorofidabo bazakuba neenhloni;

izangoma zenu zitlhuwise.

Boke bazakufihla ubuso babo

ngombana uZimu angeze abaphendula.”

₈Kodwana mina ngizaliswe ngamandla,

nangoMoya kaSomnini,

ngokulunga nangegunya;

kobana ngitjele uJakopo ngemitjhapho yakhe

no-Israyeli ngezono zakhe.

₉Lalelani kuhle-ke nina baphathi

bekumba kaJakopo,

nani babusi bekumba ka-Israyeli,

nina eninyenya ukulunga niphambanise

koke okuhle:

₁₀IZiyoni seyisisazi sokuphalaza iingazi,

iJerusalema seyisisazi sobukhohlakali.

₁₁Abaphathi bakhona bagweba ngokudizelwa,

abaphristi bakhona bafundisa ngokubhadelwa,

nabaphorofidi bakhona baphorofidela imali.

Bazisama ngoSomnini bathi:

“Ngambala uSomnini uphakathi kwethu.

Akunamatlhuwo angasehlela.”

₁₂Nje-ke, ngebanga lenu,

iZiyoni izakulinywa njengesimu,

iJerusalema izakuba liqubi leququ,

kuthi intatjana yethempela ibe lihlathi.