LIPESALEMA 92

₂Ke hantle ho boka Morena,

ho roka lebitso la hao,

uena Ea Holimo-limo,

₃ho bolela mohau oa hao

e sa le hoseng,

le botšepehi ba hao

ka masiu 'ohle,

₄ka seletsa se likhoele tse leshome,

le ka harepa,

le ka thomō e molumo o monate.

₅Uena Morena,

u nthabisitse ka liketso tsa hao;

mesebetsi ea liatla tsa hao

ke e etsetsa litlatse.

₆Morena, mesebetsi ea hao

e meholo hakaakang!

Mehopolo ea hao

e tebile hakaakang!

₇Motho oa leoatla a ke ke a e tseba,

sethoto se ke ke sa e utloisisa.

₈Leha ba bolotsana ba mela,

ba mela joaloka joang,

'me bohle ba khopo ba atleha,

ba loketse ho timella ruri.

₉Empa uena Morena,

u ea phahameng kamehla eohle.

₁₀Bona lira tsa hao, Morena,

bona, lira tsa hao lia timela;

bohle ba khopo baa qhalanngoa.

₁₁Empa 'na u 'matlafalitse,

ua 'matlafatsa joaloka nare,

ua ntlotsa ka ole e hloekileng.

₁₂Ba ntaletseng ke ba talima ka tello,

ke utloa libòkò tsa ba khopo

ba ntsohelang matla.

₁₃Ea lokileng oa atleha,

o atleha joaloka sefate sa palema,

o hōla joaloka sefate,

fate sa kedare ea Lebanone.

₁₄Ba hlomiloeng ka tlung ea Morena

ba tla atleha

mabaleng a Molimo oa rōna.

₁₅Le boqhekung

ba beha litholoana,

joaloka lifate tse nonneng,

fate tse talana,

₁₆ho bontša hore Morena o lokile,

ke lefika la ka,

ha ho na bobe ho eena.