LIPESALEMA 87

Motse oa Molimo o theiloe

holim'a thaba e halalelang,

₂Morena o rata likhoro tsa Sione,

ho feta metlotloane eohle ea Jakobo.

₃U boleloa ka tse khabane,

uena motse oa Molimo, ho thoe:

₄“Har'a lichaba tse ntsebang

ke bolela tsena:

Egepeta le Babilona,

Filesitiea le Tire, 'moho le Kushe;

ka tsona ho thoe:

‘Motho enoa o tsoaletsoe Sione.’ ”

₅Ka Sione ho thoe:

“Batho bohle ke bana ba Sione.”

Ea Holimo-limo

ke eena ea e tiisitseng.

₆Ha Morena a bala lichaba,

o tla ngola, a re:

“Le motho enoa

ke ngoana oa Sione.”

₇Libini le lihōba li re:

“Bohle re phela ka ho uena.”