Sihlabelelo 142

₁Ngikhala kuSimakadze ngelivi lami.

Ngincenga Simakadze ngelivi lami.

₂Ngititfululela kuye tonkhe tikhalo tami,

ngimtjele tonkhe tinhlupheko tami.

₃Umoya wami nase uphelelwa ngemandla,

wena ucaphela tinyatselo tami.

Endleleni lapho ngitawuhamba khona

bangifihlele lugibe.

₄Nangicalata eceleni kwami,

ngikhandza kutsi

kute namunye longangisita,

kute longivikelako,

kute nalonginakile.

₅Ngikhala kuwe, Simakadze, ngitsi:

“Wena usiphephelo sami,

nesabelo sami ngisaphila.”

₆Vani kukhala kwami,

ngobe ngicindzeteleke kakhulu.

Ngephule kulabo labangitingelako,

ngobe banemandla kunami.

₇Ngikhulule kulelijele lengikulo,

kuze ngitewubonga libito lakho.

Labalungile bayawungihaca,

ngobe wena uyawungiphatsa kahle.