Genesa 36

₁Leti i timhaka ta va ka Esawu (hileswaku: Edomu). ₂Esawu a a tekile vasati exikarhi ka Vaedomu: Ada n'wana Muhiti loyi a va ku i Elone, na Oholibama n'wana Muhori loyi a va ku i Ana n'wana Sibeyoni. ₃A teka na Basemati makwavo wa Nebayoto n'wana Iximaele. ₄Ada ú velekele Esawu n'wana loyi a va ku i Elifasi, kasi Basemati yena a veleka Rhuwele. ₅Oholibama a veleka vana lava: Yewuxi, na Yalamu, na Kora. Lava hi vona vana va Esawu lava velekiweke etikweni ra Kanana.

₆Kutani Esawu a teka vasati va yena ni vana va yena va xinuna ni va xisati, ni vanhu hinkwavo lava a va tshama emutini wa yena, ni swifuwo swa yena leswikulu ni leswitsongo, a teka ni swilo hinkwaswo leswi a swi kumeke etikweni ra Kanana, kutani a suka a famba a hambana ni makwavo Yakobo, a ya tshama etikweni rin'wana. ₇Esawu na Yakobo a va ri na swilo swo tala swinene, lero a va nga ta tshama endhawini yin'we, naswona eka tiko leri a va luvele eka rona a va nga ta kuma madyelo yo ringana ya swifuwo swa vona. ₈Hikokwalaho Esawu a ya a ya tshama emagangeni ya Seyira. Esawu loyi hi yena Edomu.

₉Leti i timhaka ta va ka Esawu, yena tata wa Vaedomu lava tshamaka emagangeni ya Seyira. ₁₀Esawu a a ri ni n'wana loyi a va ku i Elifasi loyi a n'wi kumeke na nsati wa yena Ada, na n'wana loyi a va ku i Rhuwele loyi a n'wi kumeke na Basemati. ₁₁Vana va Elifasi hi lava: Temani, na Omara, na Sefo, na Gatamu, na Kenazi. ₁₂Elifasi n'wana Esawu a a ri ni nsati lontsongo loyi a va ku i Timina, kutani Timina a velekela Elifasi n'wana loyi a va ku i Amaleke. Lava hi vona vatukulu va Ada nkata Esawu. ₁₃Vana va Rhuwele hi lava: Nahata, na Zera, na Xama, na Miza. Lava hi vona vatukulu va Basemati nkata Esawu. ₁₄Vana va Oholibama nkata Esawu hi lava: Yewuxi, na Yalamu, na Kora. Oholibama i n'wana Ana n'wana Sibeyoni.

₁₅Vatukulu va Esawu a va ri tindhuna. Vana va Elifasi mativula ya Esawu lava a va ri tindhuna, hi lava: Temani, na Omara, na Sefo, na Kenazi, ₁₆na Kora, na Gatamu, na Amaleke. Lava hi vona lava a va ri tindhuna ta va ka Elifasi etikweni ra Edomu, va nga vona vatukulu va Ada. ₁₇Vana va Rhuwele, n'wana Esawu, lava a va ri tindhuna hi lava: Nahata, na Zera, na Xama, na Miza. Lava hi vona lava a va ri tindhuna ta va ka Rhuwele etikweni ra Edomu, va nga vona vatukulu va Basemati nkata Esawu. ₁₈Vana va Oholibama nkata Esawu lava a va ri tindhuna hi lava: Yewuxi, na Yalamu, na Kora. Lava hi vona vana va Oholibama nkata Esawu n'wana Ana, lava a va ri tindhuna. ₁₉Kutani lava hi vona vatukulu va Esawu (hileswaku Edomu) lava a va ri tindhuna.

₂₀Vana va Seyira lowa Muhori, vona vaaki va tiko ra Edomu hi lava: Lotani, na Xobala, na Sibeyoni, na Ana, ₂₁na Dixoni, na Esere, na Dixani. Lava hi vona vana va Seyira, ti nga tona tindhuna ta Vahori etikweni ra Edomu. ₂₂Vana va Lotani hi lava: Hori, na Hemami. Makwavo wa Lotani wa xisati a a ri Timina. ₂₃Vana va Xobala hi lava: Alivhani, na Manahate, na Ebali, na Xefo, na Onamu. ₂₄Vana va Sibeyoni hi lava: Aya, na Ana. Ana loyi, hi yena a kumeke swihlovo swa mati layo hisa emananga, loko a ri karhi a risa timbhongolo ta tata wa yena Sibeyoni. ₂₅Vana va Ana hi lava: Dixoni, na Oholibama n'wana wa yena wa xisati. ₂₆Vana va Dixoni hi lava: Hemi-Dani, na Exibani, na Yitirana, na Kerani. ₂₇Vana va Esere hi lava: Bilihani, na Savhana, na Akani. ₂₈Vana va Dixani hi lava: Usi, na Arani. ₂₉Tindhuna ta Vahori hi leti: Lotani, na Xobala, na Sibeyoni, na Ana, ₃₀na Dixoni, na Esere, na Dixani. Leti hi tona tindhuna ta Vahori etikweni ra Seyira, hi ku ya hi mindyangu ya vona.

₃₁Tiko ra Edomu ri vile ni tihosi tiko ra Israele ri nga si va na tona. ₃₂Bela n'wana Beyori ú fumile tiko ra Edomu a ri karhi a tshama emutini wa Dinihaba. ₃₃Loko Bela a fa, Yobabu n'wana Zera wa le Bosira, a sala a fuma. ₃₄Loko Yobabu a fa, Huxama wa le tikweni ra Vatemani, a sala a fuma. ₃₅Loko Huxama a fa, Hadadi n'wana Bedadi, yena loyi a hluleke Vamidiyani etikweni ra Mowabu, a sala a fuma, a ri karhi a tshama emutini wa Avhiti. ₃₆Loko Hadadi a fa, Samila wa le Masireka a sala a fuma. ₃₇Loko Samila a fa, Xawulu wa le Rehoboto eribuweni ra Yufrata, a sala a fuma. ₃₈Loko Xawulu a fa, Baali-Hanani n'wana Akibora, a sala a fuma. ₃₉Loko Baali-Hanani n'wana Akibora a fa, Hadari a sala a fuma, a ri karhi a tshama emutini wa Pawu. Nsati wa yena a ri Mehetabele n'wana Matirede wa Mezahaba.

₄₀Tihosi ta va ka Esawu hi ku ya hi mindyangu ya vona ni miganga ya vona hi leti: Timina, na Alivha, na Yetete, ₄₁na Oholibama, na Ela, na Pinoni, ₄₂na Kenazi, na Temani, na Mibisara, ₄₃na Magadiele, na Iramu. Leti hi tona tihosi ta Vaedomu hi ku ya hi miganga ya vona etikweni ra vona. Esawu hi yena tata wa Vaedomu.