I‐Kesodusi 11

₁(Ngokuba ebete uyehova ku‐Mosesi: Kuseko isibeto sinye endiya kusizisa pezu kwo‐Faro napezu kwe‐Jipete; woti emveni kwoko anindulule kulendawo: kekaloku akunindulula, uya kugqibela ukunigxota apa. ₂Teta kaloku ezindlebeni zabantu, ukuba onke amadoda abize kubamelwane bawo, nabo bonke abafazi babize kubamelwanekazi babo, impahla zesilivere, nempahla zegolide. ₃Waye uyehova wanika abantu ufefe emehlweni ama‐Jipete. Kanjako indoda engu‐Mosesi ibinkulu kakulu ezweni le‐Jipete, emehlweni ezicaka zika‐Faro, nasemehlweni abantu.)

₄Walekela u‐Mosesi wati: Utshilo uyehova ukuti: Ngapakati kwobusuku ndopuma ndiye pakati kwe‐Jipete; ₅aeya kufa onke amazibulo asezweni le‐Jipete, kwa sezibulweni lika‐Faro ohleli eteroneni yake kude kube sezibulweni lesicakakazi esisemva kwelitye lokusila, kwa nawo onke amazibulo ezilo. ₆Kwakuya kubako isikalo esikulu kulo lonke ilizwe le‐Jipete, ekungazanga kubeko esinjalo, nekungayi kubuya kubeko esinjalo. ₇Kodwa ngakulo usapo luka‐Sirayeli akuyi kubako nenja eya kubaza ulwimi lwayo, nangakuye umntu nangakuso isilo; ukuze nikwazi okokuba uyehova uyenza isahlulo pakati kwama‐Jipete nama‐Sirayeli. ₈Ziya kwandula zihle zonke ezizicaka zako zize kum, zizitobe pambi kwam, zisiti: Puma wena, nabo bonke abantu abasezinyaweni zako; ndoti emveni kwoko ndipume ke. Waza wapuma ebusweni buka‐Faro ngobushushu bengqumbo.

₉Kekaloku wabete uyehova ku‐Mosesi: Akayi kunipulapula u‐Faro, ize yenziwe mininzi imimangaliso yam ezweni le‐Jipete.

₁₀Bati u‐Mosesi no‐Arone benza yonke lemimangaliso ebusweni buka‐Faro; waye uyehova wagwenxisa intliziyo ka‐Faro, waza akandulula usapo luka‐Sirayeli elizweni lake.