I‐Kesodusi 12

₁WATSHO uyehova ku‐Mosesi naku‐Arone ezweni le‐Jipete, esiti: ₂Inyanga le yoba sisiqalo senyanga kuni; yoba yeyokuqala inyanga yomnyaka kuni yona.

₃Tetani kuyo yonke intlanganiso yo‐Sirayeli, nisiti: Ngolweshumi usuku lwalenyanga mabazitabatele ixwana abanye ngabanye ngezindlu zoyise, libe linye ixwana kwindlu nye. ₄Kodwa xeshekweni abendlu bancinane ukuba babe nexwana, andule alitabate umntu nommelwane wake okufupi nendlu yake, ngento engangenani lemipefumlo; nobalela ixwana abanye ngabanye ngokudla kwabo.

₅Noba nexwana elimsulwa, liyinkunzana yomnyaka mnye; niya kulitabata ezigusheni umhlaumbi ezibokweni. ₆Loba sekugcineni kwenu kude kube ngumhla weshumi linesine walenyanga; wonke umhlambi wentlanganiso yo‐Sirayeli uya kulixe̔la pakati kwokuhlwa.

₇Babeya kucapula egazini, balibeke emigubasini yomibini, nasemqolweni, ezindlwini abaya kulidla kuzo.

₈Nenyama baya kuyidla ngobobusuku, eyojiweyo ngomlilo, kwa nezonka ezingenagwele; boyidla kunye nemifuno eṙaṙa. ₉Ningadli kuyo eṙwada, nepekiweyo ipekiwe ngamanzi, kodwa eyojiweyo ngomlilo; intloko yalo, kunye nentungo zalo nombilini walo. ₁₀Aniyi kusalisa nto kulo kude kuse; okuseleyo kulo kude kwasa, niya kukutshisa ngomlilo. ₁₁Nowenje njalo ukulidla: izinqe zenu ziya kubinqwa, izihlangu zenu zoba sezinyaweni zenu, nomsimelelo wenu woba sesandleni senu; niya kulidla ngobunxamo ke; yipasika kayehova lona.

₁₂Ngokuba ndiya kucanda elizweni le‐Jipete kwa ngobubusuku, ndibete onke amazibulo asezwenile‐Jipete, nawabantu nawezilo; nabo bonke otixo base‐Jipete ndiya kuyenza imigwebo pezu kwabo, kwa mna Yehova. ₁₃Laye igazi elo liya kuba ngumqondiso kuni pezu kwezindlu enikuzo; ndoti ndakubona igazi, ndigqite kuni, size singabiko pezu kwenu isibulalo sokutshabalalisa, xa ndilibetayo ilizwe le‐Jipete.

₁₄Kanjalo lomhla woba yinkumbuzo kuni; niya kubamba wona ube ngowomtendeleko kuyehova; nowubamba ke ngezizukulwana zenu ube ngummiselwa ongunapakade. ₁₅Nodla izonka ezingenagwele intsuku zibe sixe̔nxe; kwa ngosuku lwokuqala nolisusa igwele ezindlwini zenu: ngokuba osukuba esidla okubiliswayo, kowokuqala umhla kude kube ngowesixe̔nxe umhla, umpefumlo lowo uya kunqanyulwa ko‐Sirayeli. ₁₆Ngomhla wokuqala kwobako intlanganisano engewele; nangomhla wesixe̔nxe noba nentlanganisano engewele; akuyi kwenziwa namnye umsebenzi ngawo, kupela into eya kutyiwa ngabantu bonke, ingenziwa nini yona yodwa. ₁₇Naniya kugcina umtendeleko wezonka ezingenagwele; ngokuba ngokwa nguwo umhla lowo ndikupile imikosi yenu elizweni le‐Jipete: kukona niya kugcina lomhla ngezizukulwana zenu ube ngummiselwa ongunapakade. ₁₈Ngeyokuqala inyanga, ngosuku lweshumi linesine lwenyanga, ngokuhlwa, nodla izonka ezingenagwele, kude kube lusuku lwamashumi mabini anesinyelwenyanga, ngokuhlwa. ₁₉Intsuku zoba sixe̔nxe ekungayi kufunyanwa gwele ezindlwini zenu: ngokuba osukuba esidla okunegwele, kwa lowompefumlo uya kunqanyulwa entlanganisweni yo‐Sirayeli, nokuba ungowasemzini, nokuba ungozelweyo elizweni. ₂₀Aniyi kudla nto ibiliswayo: kuzo zonke indawo zokuhlala zenu niya kudla izonka ezingenagwele.

₂₁Waza u‐Mosesi wabiza bonke abadala bo‐Sirayeli, wati kubo: Ṙolani nizitabatele amaxwana ngezizalwane zenu, nixe̔le ipasika. ₂₂Nize nitabate isiqunyana sehisope, nisifake egazini elisesityeni, nibete emqolweni nasemigubasini yomibini ngegazi elisesityeni; kanjalo nina, makungapumi namnye umntu elucangweni lwendlu yake kude kuse. ₂₃Ngokuba uyehova eya kucanda ukuza kubeta ama‐Jipete; woti akubona igazi pezu kwomqolo, napezu kwemigubasi yomibini, andule uyehova agqite kolocango, angavumi ukuba umtshabalalisi angene ezindlwini zenu ukuza kubeta. ₂₄Niya kugcina lento, ibe ngummiselwa kuwe nakonyana bako, kude kube ngunapakade. ₂₅Kwakuya kuti, nakufika kwelozwe aya kunipa lona uyehova, njengokuba etshilo, niya kugcina lenkonzo. ₂₆Kwoti kanjalo, xeshekweni abantwana benu baya kuti kuni: Yinto nina lenkonzo kuni? ₂₇niya kwandula ukuti: Lidini lepasika kuyehova, owayegqita ezindlwini zosapo luka‐Sirayeli e‐Jipete, okuya wabebeta ama‐Jipete, wasindisa izindlu zetu. Baza abantu batoba ngapantsi, babedesha.

₂₈Lwemka usapo luka‐Sirayeli lwenza njengokuba uyehova ebeyalele u‐Mosesi no‐Arone, lwenje njalo ke.

₂₉KWAZA kwati pakati kwobusuku, wandula uyehova wabeta onke amazibulo asezweni le‐Jipete, kwa sezibulweni lika‐Faro obehleli eteroneni yake, kwada kwasezibulweni lombanjwa obesentolongweni, kwa nawo onke amazibulo ezilo. ₃₀Waza wavuka u‐Faro ebusuku, kwa yena nazo zonke izicaka zake, nawo onke ama‐Jipete; kwaye kuko nesikalo esikulu e‐Jipete; ngokuba bekungeko nanye indlu apo angeko kona ofileyo. ₃₁Waselebiza u‐Mosesi no‐Arone ebusuku, wati: Sukani, nipume ebantwini bam, kwa nina nosapo luka‐Sirayeli, niye nikonze uyehova njengokutsho kwenu. ₃₂Zitabateni negusha zenu, nenkomo zenu, njengokutsho kwenu, nimke; ize ninditamsanqelise kanjako.

₃₃Ati nama‐Jipete anyanzela abantu, ngokunxamela ukubandulula kwelozwe, ngokuba ebesiti: Sonke singabafileyo! ₃₄Baza abantu batabata intlama yabo ingekabiliswa, imikombe yokubuca yabo ibotshiwe ezingutyeni zabo pezu kwamagxalaba abo. ₃₅Lwaye usapo luka‐Sirayeli lwenza ngelizwi lika‐Mosesi; lwabiza kuma‐Jipete impahla zesilivere, nempahla zegolide, nezivato. ₃₆Waye uyehova wanika abantu ufefe emehlweni ama‐Jipete, ada abenzela ukucela kwabo: baza bapanga ama‐Jipete.

₃₇Lwandula usapo luka‐Sirayeli lwanduluka e‐Ramesese lwaya ngase‐Sukote, lungati lungamawaka angamakulu matandatu amadoda ehamba ngenyawo, ngapandle kwabantwana. ₃₈Kwenyuka nalo nento eninzi yabadityanisiweyo, negusha, nenkomo, imfuyo enkulu kunene. ₃₉Lwaza lwoja izonkana ezingenagwele ngentlama belupumile nayo e‐Jipete, ngokuba yona ibingabiliswanga; ngokuba belugxotwe e‐Jipete, lwada lwakohlwa ukulibala; lube lungazilungiselanga umpako kanjalo.

₄₀Kekaloku ukuhlala kwosapo luka‐Sirayeli, olube luhleli ngako e‐Jipete, bekuyiminyaka imakulu mane, neminyaka imashumi matatu ngapandle. ₄₁Kwaza kwati ekupeleni kweminyaka imakulu mane anamashumi matatu, kwandul’ ukuti ngokwa nguwo umhla lowo, kwapuma yonke imikosi kayehova ezweni le‐Jipete. ₄₂Bubusuku obo bokugcinelwa uyehova, ngenxa yokuyipumisa kwake ezweni le‐Jipete: obu bobobusuku bokugcinelwa uyehova lulo lonke usapo luka‐Sirayeli ngezizukulwana zalo.

₄₃Walekela wati uyehova ku‐Mosesi naku‐Arone: Ngulo ummiselwa wayo ipasika: Osukuba engowasemzini akayi kutya kuyo: ₄₄kodwa osukuba esisicaka somntu, otengiweyo ngemali, woti wakuba umalusile, andule atye kuyo. ₄₅Oliṙanuka, nomqeshwa, akayi kudla kuyo. ₄₆Iya kutyiwa endlwini nye; akuyi kupuma nento yenyama endlwini ukuya ngapandle; kanjalo aniyi kwapula nalinye itambo kuyo. ₄₇Yonke intlanganiso yo‐Sirayeli iya kuyenza. ₄₈Naxeshekweni kupambukele kuwe owasemzini, oya kuyenza ipasika kuyehova, makati onke amadoda anawo aluke, aze andule ukusondela, ayenze; waeya kuba njengozelweyo elizweni: kodwa osukuba engalukanga akasayi kutya kuyo. ₄₉Umteto okwa mnye woba kozelweyo elizweni, nakowasemzini opambukeleyo pakati kwenu.

₅₀Lwaye luyenza ke lonke usapo luka‐Sirayeli; kwa njengokuba uyehova ebeyalele u‐Mosesi no‐Arone, lwenje njalo ke.

₅₁Kwaza kwati ngokwa nguwo umhla lowo, wapumisa uyehova usapo luka‐Sirayeli elizweni le‐Jipete ngemikosi yalo.