IINDUMISO 114

₁Ekuphumeni kukaSirayeli eYiputa,

Kwendlu kaYakobi ebantwini abantetho ingaziwayo,

₂UYuda waba yingcwele yakhe,

USirayeli waba sisikumkani sakhe.

₃Ulwandle lwabona, lwasaba,

IYordan yabuya umva.

₄Iintaba zadloba njengeenkunzi zeegusha;

Iinduli, njengamatakane omhlambi.

₅Ùbunani na, lulwandlendini, ukuba usabe?

Wena Yordan, ukuba ubuye umva?

₆Nina zintaba, ukuba nidlobe njengeenkunzi zeegusha?

Nina zinduli, njengamatakane omhlambi?

₇Wena hlabathi, zibhijabhije ebusweni beNkosi,

Ebusweni boThixo kaYakobi;

₈Uloguqula iliwa libe lidike lamanzi,

Iqhwitha libe yimithombo yamanzi.