IINDUMISO 126

₁Ekubabuyiseni kukaYehova ababuyáyo baseZiyon,

Saba njengabaphuphayo;

₂Waza wazala kukuhleka umlomo wethu,

Lwazala kukumemelela ulwimi lwethu.

Baza bathi phakathi kweentlanga,

UYehova ubenzele izinto ezinkulu aba.

₃UYehova usenzele izinto ezinkulu,

Saba ngabavuyayo.

₄Buyisa, Yehova, abathinjiweyo bakuthi,

Njengemilambo yamanzi yelasezantsi.

₅Abahlwayelayo beneenyembezi

Baya kuvuna benokumemelela.

₆Ohamba ahambe elila,

Ephethe intlwayelelo,

Uyabuya eze ememelela,

Ethwele izithungu zakhe.