AMahubo 20

₁USimakade makakuphendule ngosuku lwenhlupheko.

Igama likaNkulunkulu kaJakobe malikuvikele.

₂Makakuthumelele usizo oluvela endlini engcwele,

akweseke eseZiyoni.

₃Makayikhumbule yonke iminikelo yakho,

awemukele umnikelo wakho wokushiswa. Sela

₄Makakuphe okufiswa yinhliziyo yakho,

afeze zonke izinhloso zakho.

₅Sihlokome, sihalalise ngokunqoba kwakho,

siphakamise ibhanela egameni likaNkulunkulu wethu.

USimakade makaphumelelise konke okucelayo.

₆Manje sengiyaqonda

ukuthi uSimakade uyamsindisa

ogcotshiweyo wakhe:

uyamphendula esezulwini lakhe elingcwele

ngamandla okusindisa asesandleni sakhe sokunene.

₇Abanye bagabe ngezinqola zempi,

abanye ngamahhashi,

kodwa thina sethembele egameni likaSimakade

uNkulunkulu wethu.

₈Bayowa bashaye ngamadolo phansi,

kepha thina siyovuka, sime.

₉Sindisa, Simakade!

INkosi mayisiphendule

ngosuku lokukhala kwethu.