Molato ke tlhanogo. Leswiswi le tlo ba la tloga
1Morena a bolela le nna a re: Tšea leswika le legolo la mphaphati; go lona o tloke ka mongwalelo wa motho, o re: Thopotlhaganela, thebolwakganyela! 2Mme nna ka inyakela hlatse tše di botegago; ke Uria moperisita, le Sakaria morwa wa Berekia.
3Ya re ge ke batametše mosadi wa moporofeta, a ima, a belega ngwana wa mošimanyana. Morena a nthe: Mo ree leina la Thopotlhaganela, Thebolwakganyela; 4Gobane mošimanyana yo a sešo a tseba go re: Tata, mma, ke ga mahumo a Damaseko a tlo išwa Asuri, le dithebola tša Samaria.
5Morena a buša a bolela le nna a re: 6Ke tlo lefetša tšhaba se lenyatšo, la ge ba nyatša a Siloa maelakabonya, mme ba nyankela Retsini le morwa wa Remalia. 7Mong a bohle o tlo lefetša ka go tliša meetse a magolo a noka e maatla; ke ge ba tlo welwa godimo ke kgoši ya Asuri le bokwala bja yona bjohle; e tlo rotoga wa noka ge e tšwa meeleng, ya tšea ka maboto a yona ka mešo e go fela, 8ya gogola Juda, ya nama, ya tlala, ya goma ka megolo.
O tlo ka o phurolla diphego, a tšea bophara bja naga yohle ya gago, wena Imanuele.
9Hlabang mokgoši, lena ditšhaba! Le yo thubja! Theetšang, lena dinaga tša kgole! Itlhameng! Le yo thubja! Itlhameng! Le yo thubja! 10Lakanang! Mme e tlo ba lefela! Tlemang lefoko! Mme le ka se tie, gobane Modimo o na le rena.
11Nna Morena o boletše le nna, seatla sa gagwe se nkgoletše, a ntemoša gore ke se ke ka swara ka tsela ya setšhaba se, a re: 12Le se ke la re: Re ekilwe! Mo setšhaba se se rego: Re ekilwe! Le se ke la boifa se ba se boifago, le se ke la tšhoga. 13Tsebang Morena wa mašaba ge e le e Mokgethwa, le boife yena, le tšhoge yena. 14Gobane meloko e mebedi ye ya Isiraele e tlo mo hwetša e le seila, e le lebje la sekgopi, e le lewa la go ba wela; mme ba Jerusalema ba tlo mo hwetša e le molaba le moreo. 15Ba bantši ba bona ba tlo kgopša ba wa, ba pšhatlwa, ba tanywa, ba swarwa.
16Bohlatse bjo bo phuthele, thuto ye e bolokele barutiwa ba ka. 17Ge e le nna ke tla dula ke lebeletše Morena, le ge a ka utela ba leloko la Jakobo fahlogo sa gagwe, nna ke tlo mo letela.
18Le tsebe gore nna le bana ba Morena a mphilego bona, re dika le tshwantšho e beetšwego Isiraele ke Morena wa mašaba, Modulathaba ya Tsione.
19Bjale ge ba ka re: Botšišang ba medimo, le ba maphala le didupe! Le tlo re: A setšhaba ga se botšiše Modimo wa sona? A fa bahu ba ka botšišwa ditaba tša ba ba phelago?
20Sa rena a e be molao le bohlatse. Ba ba lesago go bolela tšeo ke ba ba sešogo ba bona matlagosa,
21Ba putlaputla naga ba imetšwe, ba na le tlala. Ge tlala e ba swere, ba napa ba tlala pelo, ba roga, kgoši ya bona le Modimo wa bona. 22Ba iša mahlo godimo, ba buša ba lebelela tša mo faseng, ba hwetša e le tlalelo le leswiswi, e le boso le mohlako, ba kgoromeletšwe kgamping. 23Fela, fa go lego ditlalelo bjale, go ka se dule go le leswiswi.
Bjalo ka mola kgale naga ya Sebulone le ya Nafutali e kile ya goboga, tše di tlago di tlo godiša tsela ya lewatleng, ya mošola wa Jorodane, ya Galilea ditšhabeng.
