AMARHUBO 122

Ngajabula lokha nabathi kimi:

“Asiyeni endlini kaSomnini.”

₂Iinyawo zethu sezijame

emasangwenakho, Jerusalema.

₃IJerusalema lakhiwe njengedorobho

elihlanganiswe ngokuqinileko ndawonye,

₄lapha iinkoro zikhuphukela khona,

iye, iinkoro zakaSomnini.

Ukuthokoza ibizo lakaSomnini

kubufakazi ku-Israyeli.

₅EJerusalema kuneenhlalo zokugweba,

iye, iinhlalo zendlu kaDavida.

₆Bawani ukuthula kweJerusalema nithi:

“Kwanga abakuthandako bangaba ngabavikelekileko.

₇Kube nokuthula ngemithangalenakho

nokuvikeleka ngemibhotjhongwenakho.”

₈Ngenca yabafowethu nabangani ngizakuthi:

“Ukuthula akube ngaphakathi kwakho, Jerusalema.”

₉Ngenca yendlu kaSomnini

ngizakufuna okuhle ngawe.