LIPESALEMA 138

Morena, ke u boka

ka pelo ea ka eohle,

ke u roka pontšeng ea mangeloi.

₂Ke khumama ke shebile Tempeleng,

Tempeleng ea hao e halalelang,

ke boka lebitso la hao

ka baka la mohau oa hao

le botšepehi ba hao;

u tumisitse lebitso la hao

le tšepiso ea hao ho feta tsohle.

₃Ha ke ne ke ipiletsa ho uena

u ile ua nkaraba,

ua matlafatsa moea oa ka.

₄Morena, likhosi tsohle tsa lefatše

li tla u boka,

ha li utloa mantsoe

a tsoang molomong oa hao.

₅Li tla rorisa litsela tsa Morena,

li re: “Tlōtla ea Morena e kholo.”

₆Leha Morena a phahame hakaalo,

o bona ba eisehang;

ba ikhantšang

o ba tseba ba sa le hōle.

₇Leha nka phela har'a litsietsi,

uena u baballa bophelo ba ka;

letsoho la hao

le ntšireletsa bohaleng,

bohaleng ba lira tsa ka,

letsoho la hao le letona

lea mpholosa.

₈Morena o tla phetha

seo a ntheretseng sona.

Morena, mohau oa hao

ke oa kamehla eohle;

u se lahle

mosebetsi oa liatla tsa hao.