Pesalema 146

₁Bakang Jehofa,

baka Jehofa,

wena mowa wa me.

₂Ke tlaa nna ke baka Jehofa

ke sa ntse ke tshedile;

ke tlaa opelela Modimo wa me

dipako ka ke sa ntse ke leyo.

₃Lo se ka lwa ikanya dikgosana,

le fa e le ngwana wa motho yo

go se nang thuso epe mo go ene.

₄Mowa wa gagwe o a tswa,

mme a boele mo mmung wa gagwe;

ka letsatsi leo fela

maikaelelo a gagwe a nyelele.

₅Go sego ene

yo Modimo wa ga Jakobe e leng

thuso ya gagwe,

yo tsholofelo ya gagwe

e leng mo go Jehofa Modimo

wa gagwe;

₆o o dirileng legodimo le lefatshe,

lewatle, le tsotlhe tse di mo go tsone;

o o tshegetsang boammaaruri

ka bosakhutleng;

₇O o diraletsang bapatikwi tshiamiso;

o o fang

ba ba bolawang ke tlala dijo;

Jehofa o golola bagolegwi.

₈Jehofa o budulola matlho a difofu;

Jehofa o topalatsa ba ba obameng;

Jehofa o rata basiami.

₉Jehofa o boloka baeng;

o tshegetsa khutsana

le mosadi wa motlholagadi;

mme tsela ya moikepi a e ribege.

₁₀Jehofa o tlaa busa ka bosakhutleng,

e bong Modimo wa gago Sione,

go ya tshikatshikeng tsotlhe fela.

Bakang Jehofa.