Eyokuqala incwadi ka‐Paulusi kuma‐Korinte 1

₁UPAULUSI, obiziweyo ukuba ngumpostile ka‐Yesu Kristu ngayo intando katixo, no‐Sositene umzalwana wetu, ₂kubo abayiṙemente katixo ese‐Korinte, abangcwalisiweyo ku‐Kristu Yesu, ababiziweyo ukuba ngabangcwele, kunye nabo bonke ababizayo egameni lenkosi yetu u‐Yesu Kristu kuzo zonke indawo, kwa neyabo neyetu i‐Nkosi: ₃Ufefe malube kuni, noxolo, luvela kuye utixo ubawo wetu, nenkosi u‐Yesu Kristu.

₄Ndiyabulela kutixo wam ngamaxesha onke ngani, ngenxa yofefe lukatixo enaninikiwe lona ku‐Kristu Yesu; ₅ukuba nanite ezintweni zonke natyetyiswa kuye, kuko konke ukuteta nako konke ukwazi; ₆njengokuba ubunqi̔na buka‐Kristu bebuqiniswa pakati kwenu: ₇nide ningasweli nasinye isipiwo; nilinda ukutyilwa kwenkosi yetu u‐Yesu Kristu: ₈oya kuti kanjalo aniqinise kude kube sekupeleni, ningenakunikwa ityala emhleni wenkosi yetu u‐Yesu Kristu. ₉Unyanisekile utixo, enite ngaye nabizelwa ebudlelaneni bonyana wake u‐Yesu Kristu inkosi yetu.

₁₀KEKALOKU ndiyanikunga, bazalwana! ngalo igama lenkosi yetu u‐Yesu Kristu, ukuba nibe nokuteta okukwa kunye nonke, ize zingabiko impambano pakati kwenu, kodwa nibe nizalisekile kolukwa lunye uluvo nakwekwa nye ingcingo. ₁₁Ngokuba kuxeliwe kum ngani, bazalwana bam! ngabaka‐Kiloyi, ukuba kuko amapike pakati kwenu. ₁₂Into nditeta yona ke, yeyokuba kutshiwo nini ngabanye ukuti: Mna ndingoka‐Paulusi; nokuti: Mna ndingoka‐Apolosi: nokuti: Mna ndingoka‐Kefasi; nokuti: Mna ndingoka‐Kristu. ₁₃Wahlukile na u‐Kristu? u‐Paulusi ubenikuruseshelwe na? okunye nibe nibapitizeshelwe na egameni lika‐Paulusi? ₁₄Ndiyabulela kutixo ukuba ndingabapitizeshanga namnye wakuni, kupela u‐Krisipo no‐Gayusi; ₁₅ukuze kungabiko mntu otshoyo ukuti ndabapitizeshela kwelam igama. ₁₆Ndabapitizesha kodwa nabendlu ka‐Stefana: okupezu kwoku, andazi ukuba ndabapitizesha omnye umntu kusinina.

₁₇Ngokuba u‐Kristu enganditumanga ukuba ndibapitizeshe, koko wanditumayo ukuba ndiyishumayele ivangeli: kungabi ngabulumko bokuteta, ukuze ikuruse ka‐Kristu ingenziwa into engento yanto. ₁₈Ngokuba ukuteta kwekuruse kububudenge kwababubayo, kodwa kungamandla katixo kuti basindiswayo. ₁₉Ngokuba kuba̔liwe ukuti: Ndobububisa ubulumko bamalumko, nengqondo yezazi ndoyitshabalalisa. ₂₀Lipina ilumko? upina umba̔li? upina umpikisi welilizwe likoyo? utixo akabenzanga ubulumko belizwe eli bube bubudenge na? ₂₁Ngokuba emvenikweni ebulumkweni bukatixo ilizwe belingamazanga utixo ngabo ubulumko balo, kwakolisa utixo ukuti ngabo ubudenge bokushumayela asindise abakolwayo: ₂₂ngokokuba ama‐Juda abiza umqondiso, nama‐Girike afuna ubulumko; ₂₃kodwa tina sishumayela u‐Kristu ekuruseshiwe; isixakaniso kuma‐Juda, nobudenge kuma‐Girike; ₂₄kodwa kwababiziweyo, kwa nama‐Juda nama‐Girike, u‐Kristu engamandla katixo, nobulumko bukatixo. ₂₅Ngokuba okubudenge bukatixo kulumkile ngapezu kwabantu; nokubutataka bukatixo kunamandla ngapezu kwabantu.

₂₆Ngokuba nibona ukubizwa kwenu, bazalwana! ukuba asi ngabaninzi abalumkileyo ngokwenyama, asi ngabaninzi abanamandla, asi ngabaninzi abayimiduna: ₂₇koko izinto ezibudenge zelizwe wazinyula utixo, ukuze adanise abalumkileyo; nezinto ezibutataka zelizwe wazinyula utixo, ukuze adanise izinto ezomeleleyo; ₂₈nezinto ezimnyama zelizwe, nezinto ezidelekileyo, wazinyula utixo, nezinto ezingekoyo ukuze atshabalalise izinto ezikoyo; ₂₉kuze kungabiko namnye umntu oqa̔yisayo ebusweni bake. ₃₀Kodwa ngaye yena nina nikuye u‐Kristu Yesu, owenzelwa tina ubulumko buvela kutixo, kwa nobulungisa, nengcwaliso, nokululo: ₃₁ukuze, njengokuba kuba̔liwe: Lowo uqa̔yisayo, makaqa̔yise ku‐yehova.