Eyesibini yezikronike 1

₁KEKALOKU u‐Solomone unyana ka‐Davide waqiniswa ebukumkanini bake; kanjalo uyehova, utixo wake, ebenaye, wamenza mkulu ngento egqitiseleyo. ₂Waza u‐Solomone wateta kubo bonke o‐Sirayeli, kwinkosi zamawaka nezamakulu, nakubagwebi, nakuzo zonke inkosi pakati kwo‐Sirayeli bonke, intloko zendlu zoyise. ₃Wandula waya u‐Solomone, nayo yonke intlanganiso kunye naye, endaweni epakamileyo ebise‐Gibeyone; ngokuba ibiko kona intente yentlangano katixo, leyo u‐Mosesi isicaka sikayehova ubeyenzile entlango. ₄Kodwa ityeya katixo u‐Davide ebeyinyusile e‐Kiriyateyarime ukuza endaweni abeyilungisele yona u‐Davide: ngokuba ebeyolulele intente e‐Yerusaleme. ₅Kanti isibingelo sexina, abesenzile u‐Betsalele, unyana ka‐Uri, unyana ka‐Hure, sibe silapo pambi kwetabanakele kayehova; baye befuna sona u‐Solomone nentlanganiso leyo. ₆Wayenikela apo u‐Solomone, pambi kwoyehova, pezu kwesibingelo sexina esibe singasententeni yentlangano: wayenikela pezu kwaso iwaka lamadini okutshiswa.

₇Kwa ngobobusuku wabonakala utixo ku‐Solomone, wati kuye: Cela into endiya kuyinika kuwe. ₈Wayesiti u‐Solomone kutixo: Umenzele u‐Davide ubawo wam ububele obukulu, nam undenzile ukumkani esikundleni sake. ₉Kaloku, Yehova, Tixo! malinyaniswe ilizwi lako ku‐Davide ubawo wam; ngokuba undenzile ukumkani pezu kwabantu abanjengotuli lwomhlaba ukuba baninzi. ₁₀Ndipe kaloku ubulumko nokwazi, ndize ndipume ndingene nokungena ebusweni bababantu: ngokuba engubanina onako ukugweba aba abantu bako bakulu?

₁₁Waza utixo wati ku‐Solomone: Ngenxa yokuba lento ibisentliziyweni yako, ungacelanga ubutyebi, nendyebo, nodumo, nobomi bentshaba zako, ungacelanga kanjalo imihla emininzi: koko uzicelele ubulumko nokwazi, ukuze ubagwebe abantu bam endikwenzile ukumkani pezu kwabo; ₁₂upiwe ubulumko nokwazi; ndandiya kukunika nobutyebi, nendyebo, nodumo, ekungabangako onokunjalo pakati kwokumkani abebeko pambili kuwe, nasemva kwako akuyi kubako onokunjalo.

₁₃Waza wabuya u‐Solomone endaweni epakamileyo ebise‐Gibeyone, weza e‐Yerusaleme, evela kwa pambi kwentente yentlangano, wapata ubukumkani pezu kwo‐Sirayeli.

₁₄WAYE u‐Solomone wabuta inqwelo namahashe okukwelwa; wabenenqwelo zaliwaka linamakulu mane, namahashe okukwelwa angamawaka alishumi linesibini; owazibeka ezixekweni zenqwelo, nakuye ukumkani e‐Yerusaleme.

₁₅Kanjako ukumkani wenza isilivere negolide e‐Yerusaleme njengamatye, nemiti yesedare wayenza njengemikiwane esezihlanjeni ngokuba mininzi. ₁₆Nokuvela kwamahashe ka‐Solomone e‐Jipete, wati umhlambi wabatengi bokumkani wamkela umhlambi wamahashe ngenani elitile. ₁₇Baye benyusa bakupa e‐Jipete inqwelo ngeshekele zesilivere ezingamakulu matandatu, nehashe ngezilikulu elinamashumi mahlanu: kwaye kunjalo bekukutshelwa bonke okumkani bama‐Hete, nokumkani be‐Siriya, ngesandla sabo.