Incwadi ka‐Paulusi kuma‐Galati 1

₁UPAULUSI umpostile, (kungaveli ebantwini, kungengaye umntu kanjalo, kungaye u‐Yesu Kristu, notixo uyise, owamvusa ekufeni,) ₂nabo bonke abazalwana abanam, kuzo iṙemente zase‐Galati: ₃Ufefe malube kuni, noxolo, luvela kuye utixo uyise, nenkosi yetu u‐Yesu Kristu, ₄owazinikelayo ngenxa yezono zetu, ukuze asihlangule kulo elikoyo ilizwe elikohlakeleyo, ngokwentando yake utixo nobawo wetu, ₅okuye makubeko ubungcwalisa kude kube ngunapakade kanapakade. Amene.

₆Nditi nqa ukuba nipambuka kamsinya kangaka kulowo owanibizayo ngofefe luka‐Kristu, nipambukela kwiyimbi ivangeli: ₇engeyiyo enye noko; kupela bako inxenye abanipitizelisayo, abafuna ukuyiguqula ivangeli ka‐Kristu kanjalo. ₈Kodwa nakuba siti tina, umhlaumbi iti ingelosi yasezulwini ishumayele kuni ivangeli epambana naleyo sayishumayela kuni, maibe yinto eqalekisiweyo. ₉Njengokuba sitshilo pambili, kwa njalo kaloku ndibuya nditi: Ukuba umntu uyanishumayeza ivangeli epambana naleyo nayamkelayo, makabe yinto eqalekisiweyo. ₁₀Ngokuba kaloku nditomalalisa abantu, utixo, kusinina? umhlaumbi ndifuna ukukolisa abantu na? ngokuba abantu ukuba ndibe ndisakolisa bona, ndinge ndingabi ndisisicaka sika‐Kristu.

₁₁Kekaloku ndiyanazisa, bazalwana! ivangeli eyabishunyayelwa ndim ukuba ayingokwabantu. ₁₂Ngokuba mna bendingayamkelanga emntwini, bendingayifundiswanga nakanjako, koko ndayamkelayo ngaso isityilo sika‐Yesu Kristu. ₁₃Ngokuba benivile ukumila kwam bendifudula ndinako ebujudeni, okokuba ndibe nditshutshisa iṙemente katixo ngento egqitisileyo, ndayici̔ta; ₁₄nokuba ndamana ndihambisa ebujudeni ngapezu kwabaninzi abebeyintanga nye nam esizweni sakowetu, ndizondelela kakulu ngakumbi nje izinikelo zobawo bam.

₁₅Kodwa akutanda utixo, owandahlulayo kwa sezizalweni sikama̔, wandibiza ngalo ufefe lwake, ₁₆ukuba atyile unyana wake pakati kwam, ukuze ndishumayele yena pakati kwabaheyideni; ndati kwa oko, andabuzana nayo inyama negazi, ₁₇andanyukela e‐Yerusaleme kanjako kubo abebengabapostile pambili kum, koko ndemkayo ndaya e‐Arabi, ndaza ndabuyela e‐Damakusi kanjako. ₁₈Ndandula ndati, emveni kweminyaka mitatu, ndenyukela e‐Yerusaleme ukuya kwazana no‐Petrosi, ndalibala kuye intsuku zalishumi linantlanu. ₁₉Kodwa omnye wakubo abapostile andambona, kupela u‐Yakobi umzalwana wenkosi. ₂₀Kekaloku izinto endiziba̔layo kuni, bona ke, nditi ebusweni bukatixo andixoki. ₂₁Emveni kwoko ndeza emazweni ase‐Siriya nawase‐Silisiya. ₂₂Kodwa ndahlala ndingaziwa ngobuso kwiṙemente zase‐Judeya eziku‐Kristu. ₂₃Bebesiva ke kupela ukuba kwatiwa: Lowo ubefudula esitshutshisa, uyalushumayela kaloku ukolo abefudula eluci̔ta. ₂₄Baza bamdumisa utixo kum.