Incwadi ka‐Paulusi kuma‐Hebere 5

₁Ngokuba umperisite omkulu osukuba ecatshulwa ebantwini emiselwa abantu ezintweni ezilunge kutixo, ukuze anikele neminikelo namadini ngenxa yezono; ₂ongenzayo ngobubele ngakubo abangaziyo nabalahlekayo, ekubeni naye ngokwake epahlwa bubutataka. ₃Nangenxa yabo obu ufanelwa kukuti, njengokuba esenzela abantu, kwa njalo azenzele naye ngokwake iminikelo ngenxa yezono.

₄Kanjako akuko mntu ozitabatelayo lembeko, koko ngulowo ubizwayo ngutixo, njengokuba ebebizwa no‐Arone. ₅Kwa njalo naye u‐Kristu akazizukisa ukuba enziwe umperisite omkulu, koko nguye owateta kuye esiti: Ungunyana wam wena, ndikuzele namhla nje. ₆Njengokuba esiti nakwelinye iculo: Wena ungumperisite kude kube ngunapakade ngesimo sika‐Makizedeki.

₇Owati emihleni yenyama yake, ezinikele nje izikungo nembongozo kulowo ubenamandla ukumsindisa ekufeni, ndawonye nokukala okukulu nenyembezi, eviwe nokuviwa ngoko wakwoyikayo, ₈nangona abengunyana, wafunda ululamelo ngentlungu wazivayo; ₉waza efezekisiwe waba yimbangi yosindiso olungunapakade kubo bonke abamlulamelayo; ₁₀ebiziwe ngutixo ngokuti ungumperisite omkulu ngesimo sika‐Makizedeki.

₁₁Esinendawo ezininzi zokuteta ngaye, nezinzima ukuca̔zwa, ekubeni nidangeleyo ngokuva. ₁₂Ngokuba naxeshekweni ninge nisiti ngenxa yexesha nibe ngabafundisi, nibuya nifanele ukuba umntu anifundise iziqalelo zokuqala zamazwi katixo; ewe ningabo abafanele ubisi, ningengabo abafanele ukutya okuqinileyo. ₁₃Ngokuba lowo usukuba esela ubisi engenabuciko elizwini lobulungisa; ngokuba engumntwana. ₁₄Kodwa ukutya okuqinileyo kukokwabo abafezekileyo, kwabo abati ngenxa yokuqela banezimvo zabo ziqeliselwe ukuqiqa okulungileyo nokukohlakeleyo.