Amaculo 61

₁YIVA, Tixo! isikalo sam; pulapula umtandazo wam. ₂Kwa sekupeleni kwomhlaba ndiya kubizela kuwe, xeshekweni intliziyo yam icubukile: ndikapele eweni elingapezulu kum. ₃Ngokuba ubulihlati kum, kwa inqaba enamandla ebusweni botshaba. ₄Ndiya kuhlala ententeni yako kude kube ngunapakade; ndiya kupepela esigubungelweni samapiko ako. Sela.

₅Ngokuba wena, Tixo! uzivile izibambiso zam; undipile ilifa labo boyika igama lako. ₆Uya kwongeza imihla emihleni yokumkani; iminyaka yake yoba njengezizukulwana ezininzi. ₇Uya kuhlala ebusweni bukatixo kude kube ngunapakade: maumisele ububele nenyaniso, ukuba zimgcine. ₈Kukona ndiya kucula egameni lako kude kube ngunapakade, ndize ndifeze izibambiso zam imihla ngemihla.