ISAHLUKO 20

₁KWA ti ngasemva kwa loku futi, abantwana baka Moabi, naba kwa Amoni, nabanye be kanye naba kwa Amoni, ba fikela uJehoshafati ngempi

₂Ba fika abanye ba tyela uJehoshafati, ba ti, u ya kufikelwa isixuku esikulu sa ngapambi kolwandhle nganeno kweSiria; futi, bheka, ba seHazazontama, eli seEngedi.

₃uJehoshafati wesaba, wa funa uJehova, wenza ukuzila ukudhla kulo lonke izwe lakwa Juda.

₄Nalo lonke la butana, ukucela ukusizwa kuJehova; ba puma kuyo yonke imizi ya seJuda ukumfuna uJehova.

₅uJehoshafati wema esixukwini sakwa Juda neJerusalema, endhlini ka Jehova, ngapambi kwesihonqo esitya.

₆Wa ti, O Jehova Tixo ka baba, a u busi ezulwini na? a u busi futi pezu kwemibuso yonke yabezizwe na? namandhla awako esandhleni sako na? ukuba u nge hlulwe muntu wena na?

₇A u siye uTixo wetu na? o wa xotya abantu ba lelizwe ngapambi kwabantu bako abaIsraeli na? wa li nika inzalo ka Abrahama isihlobo sako ku ze ku be pakade na?

₈Ba hlala kona, ba lakela kona igama lako indhlu, be ti.

₉Lapo si fikelwa ububi, njengenkemba, nokwahlulela, nenhlupeko, nendhlala, uma si ma ngapambi kwa lendhlu nangapambi kwako, (ngokuba igama lako li kulendhlu,) si kalele wena ezinhlupekweni zetu, u zweke wena, u size.

₁₀Manjeke, bheka, abantwana baka Amoni, noMoabi nabentaba iSira, o wala ukuba ba hlaselwe abaIsraeli, ekupumeni kwabo ezweni lasEgipite, kodwa ba penduka, a ba ba bulala.

₁₁Bhekake, ukuvuza kwabo, ba si fikela ukuba ba si kipe kulo ifa lako, o si nikileyo lona ukuba si li fuye.

₁₂O Tixo wetu, a ku yi ku bahlulela wena na? ngokuba a si namandhla ku lesi sixuku esikulu esi si fikelayo; ka si kwazi futi esi nga kwenzayo; amehlo etu kodwa a kuwe.

₁₃Bonke aba kwaJuda bema ngapambi kuka Jehova, nezingane zabo, nabafazi babo, nabantwana babo,

₁₄Wa fikake umoya ka Jehova pezu kuka Jahaziali, indodana ka Zekaria, indodana ka Benaia, indodana ka Jeieli, indodana ka Matania, umLevi wamadodana ka Asafa, ngapakati kwesixuku.

₁₅Wa ti, Yizwani, nina nonke bakwa Juda, nabaseJerusalema, nawe Jehoshafati inkosi, U ti uJehova kinina, Ni nge sabi, ni tutumele ngenxa ya lesi sixuku esikulu; ngokuba impi e ka Jehova, a siyo e yenu.

₁₆Yehlani ni ye kubona ngomuso; bheka; ba kupuka ngaseweni lakwaZize; no ba tola ekugcineni komfulana, be bhekene nehlane lakwa Jerueli.

₁₇A ni yi ku dinga nokulwa kulempi; zilungiseni, ni me ni tule, ni bu bone ubungcwele buka Jehova bu kini. O Juda neJerusalema; ni ngesabi ni tutumele; ba pumeleni ngomuso; ngokuba uJehova u ya kuba nani.

₁₈uJehoshafati wa kotama ngobuso emhlabatini; nabo bonke aba kwa Juda neJerusalema ba wa pambi kuka Jehova, be m dumisa.

₁₉AmaLevi kubantwana bamaKohati, na kubantwana bamaKorhi bema uku dumisa uJehova uTixo ka Israeli ngezwi elikulu pezulu.

₂₀Ba vuka ekuseni, ba ya ehlane la seTekoa; na lapo be hambayo uJehoshafati wema, wa ti, Yizwani mina, O Juda, naba seJerusalema; Kolwani kuJehova uTixo wenu, njaloke no qiniswa; kolwani abaprofeti bake, no busiswa.

₂₁Lapo e se kulumile nabantu, wa keta a ba ya kuhlabelela kuJehova, na ba ya kudumisa ubuhle obu ingcwele, ekupumeni kwabo ngapambi kwempi, be ti, dumisani uJehova; ngokuba umusa wake u ma njalo.

₂₂Lapo be qala ukugwaba, nokudumisa, uJehova, wa misa izinhloli ngakubantwana baka Amoni, noMoabi, nabentaba iSira, a ba be pumele aba kwa Juda; nabo ba bulawa.

₂₃Ngokuba abantwana baka Amoni noMoabi ba hlasela abentaba iSira ukubaqeda nempela; nalapo se be ba qedile labo, balwa bodwa.

₂₄Lapo aba kwa Juda ba fika exibeni eli sehlane, ba si bheka isixuku, ba ba bona be izidumbu nje pansi, a kwa baleka namunye.

₂₅Lapo uJehoshafati nabantu bake ba fika uku tata impango, ba tola ingcebo eningi kuzo izidumbu, namagugu amahle a ba zi tatela wona, ba hlulwa uku zi mukisa zonke; ba ba nezinsuku ezintatu be buta impango, ngobuningi bayo.

₂₆Ngosuku lobune ba butana esigodini sa seBeraka, ba dumisa kona uJehova; ngako igama la leyo ndawo la bizwa ngokuti, isigodi sa seBeraka, ku ze ku be namuhla nje.

₂₇Ba buyake bonke abakwa Juda neJerusalema, be landela uJehoshafati ba buyela eJerusalema ngokujabula; ngokuba uJehova wa ba jabulisa pezu kwezita zabo.

₂₈Ba fika eJerusalema endhlini ka Jehova be pete izingumbu, namatilongo.

₂₉Ukumesaba uTixo kwa ba pezu kwemibuso yonke ya lezo zizwe, lapo se be zwile ukuba uJehova u lwe nezita zika Israeli.

₃₀Ngakoke wonke umbuso ka Jehoshafati wa tula; ngokuba uTixo wake wa m nika ukupumula endaweni yonke.

₃₁uJehoshafati wa busa pezu kweJuda; wa e neminyaka e ngamashumi amatatu nesihlanu e sa qala ukubusa, wa busa eJerusalema iminyaka e ngamashumi amabili nesihlanu. Negama lika nina la li nguAzuba indodakazi ka Shilhi.

₃₂Wa hamba ngendhlela ka Asa uyise, a ka pambuka kuyona, enza okulungileyo emehlweni ka Jehova.

₃₃Kodwa izindawo ezi pakamileyo a zi suswanga; ngokuba abantu ba be nga ka zi lungisi izinhliziyo zabo kuTixo wa oyise.

₃₄Manjeke izenzo ezinye, zika Jehoshafati, zakuqala, ne zasemuva, bheka, zi lotyiwe encwadini ka Jehu indodana ka Hanani, okukulunywa ngaye encwadini yamakosi a kwa Israeli.

₃₅Ngasemva kwaloku uJehoshafati wa zihlanganisa noAhazia inkosi ya kwa Israeli, o wenza okubi kakulu;

₃₆Wa hlangana naye ukwenza imikumbi ukuya eTarshishi; ba yenza imikumbi eEzion-gaba.

₃₇uEliezari indodana ka Dodava wa seMaresha wa profeta ngoJehoshafati, wa ti, Ngokuba u zihlanganisile noAhazia, uJehova u yapulile imisebenzi yako. Nemikumbi ya pulwa, a ya ba namandhla ukuya eTarshishi.