ISAHLUKO 9

₁WESUKU uAbimeleki indodana ka Jerubali wa ya eShekemi kubafo wabo baka nina, wa kuluma kubo, na kubo bonke ba sekaya kuyise ka nina, wa ti,

₂Kulumanike ezindhlebeni zabo bonke aba seShekemi, ni ti, Kupi okulungileye kinina, ukuba abantu abamashumi a isikombisa, bonke be ngamadodana ka Jerubali, ba be amakosi enu, nokuba umuntu munye a be inkosi yenu? kumbulani ukuti, mina ngi itambo lenu, nenyama yenu.

₃Abafo wabo ka nina ba kuluma ngaye ezindhlebeni zabo bonke aba seShekemi lawamazwi onke; izindhliziyo zabo za bheka kuAbimaleki; ngokuba ba ti, U umfo wetu.

₄Ba m nika izinhlamvu zesiliva ezimashumi a isikombisa, ezendhlu ka Balberoti; uAbimeleki wa tola ngazo abafokazana nezidenge; ba m landela.

₅Wesuka wa ya endhlini ka yise, eOfra, wa bulala abafo wabo, amadodana ka Jerubali, abantu abamashumi a isikombisa, etyeni linye; kepa kwa sala uJotamu, indodana encinyane ka Jerubali, ngokuba wa catya.

₆Kwa butana bonke aba seShekemi, nabo bonke a ba seBetmilo, ba ya ba m enza uAbimeleki inkosi, ngaseEloni lensika, eli ngaseShekemi.

₇Kwa bikwa kuJotamu, yena wa ya wema pezulu entabeni yeGerizimu, wa dazuluka, wa memeza, wa ti kubo, Ngi laleleni, nina ba seShekemi, ukuba uTixo a ni lalele.

₈Imiti ya ke ya ya ukuzigcobela inkosi; ya ti emhlwatini, Yiba inkosi yetu.

₉Kepa umhlwati wa ti kuyo, Nga ngi yeka amafuta ami, abe engi bongwa uTixo nabantu ngawo, ngi ye ngi zule pezu kwemiti?

₁₀Imiti ya buya ya ti emkiwaneni, Wo za u be inkosi yetu.

₁₁Kepa umkiwane wa ti kuyo, Nga ngi yeka ubumnandi bami, nezitelo zami ezinhle, ngi ye ngi zule pezu kwemiti?

₁₂Imiti ya buya ya ti kulo ivini, Wo za wena u be inkosi yetu.

₁₃Ivini la ti, Nga ngi yeka iwaini lami eli tokozisa uTixo nabantu, ngi ye ngi zule pezu kwemiti?

₁₄Ya se i ti imiti yonke emtolweni, Wo za wena, u be inkosi yetu,

₁₅Umtolo wa ti kuyo imiti, Uma ni ngi gcoba impela ngi be inkosi yenu, yizani ni ngene emtunzini wami; kepa uma ku nge njalo, a ku pume umlilo emtolweni, u qede imisedari ya seLebanoni.

₁₆Ngakoke uma nenzile ngokufaneleyo na ngokulungileyo, ngokumenza uAbimeleki inkosi, uma ni m patile kahle uJerubali nendhlu yake, uma nenzile kuye ngokufanele izandhla zake;

₁₇(Ngokuba ubaba wa ni lwela, wa zidela, wa ni sindisa esandhleni samaMidiani;

₁₈Kepa ni i vukele indhlu ka Baba namhla, ni bulele amadodana ake, abantu abamashumi a isikombisa, etyeni linye, uAbimeleki, indodana yencekukazi yake, ni m enzile inkosi yaba seShekemi, ngokuba u umfo wenu;)

₁₉Uma ni m patile uJerubali nendhlu yake ngokufaneleyo na ngokulunga namhla, jabulani kuAbimeleki, naye ka jabule kini;

₂₀Kodwa uma ku nge njalo, a ku pume umlilo kuAbimeleki u dhle aba seShekemi neBetmilo; nomlilo a u pume kwaba seShekemi na kulo iBetmilo u dhle uAbimeleki.

₂₁uJotamu wa tyetya wa baleka, wa ya eBeeri, wa hlala kona, ngenxa ka Abimeleki umfo wabo.

₂₂uAbimeleki wa busa abakaIsraeli iminyaka emitatu.

₂₃uTixo wa tuma umoya omubi pakati koAbimeleki nabantu ba seShekemi; aba seShekemi ba m pata uAbimeleki ngenkohliso;

₂₄Ukuba usizi, o be lwenziwe kuwo amadodana amashumi a isikombisa ka Jerubali, lu fike, negazi labo li bekwe pezu kuka Abimeleki umfo wabo, owa ba bulalayo, na pezu kwaba seShekemi, aba qinisa izandhla zake ukuba a ba bulale abafo wabo.

₂₅Aba seShekemi ba m bekela abalaleli ezintabeni pezulu; ba panga bonke aba be dhlula kubo ngendhlela; kwa bikwa kuAbimeleki.

₂₆Kwa fika uGali indodana ka Ebedi nabafo wabo, wa dhlulela eShekemi; aba seShekemi ba m etemba.

₂₇Ba pumela emasimini, ba vuna izivini, ba wa nyatela amavini, benza imikosi, ba ngena endhlini yotixo wabo, ba dhla, ba puza, ba tuka uAbimeleki.

₂₈uGali indodana ka Ebedi wa ti, Ubani uAbimeleki, ubani uShekemi, ukuba si m konze? a si indodana ka Jerubali? uZebuli a siyo induna yake? konzani abantu baka Hamori uyise ka Shekemi; si ya kumkonzelani na?

₂₉Se nga ti lababantu nga be sesandhleni sami! be ngi ya kumsusa uAbimeleki. Wa ti kuAbimeleki, Kulisa impi yako, u pume.

₃₀uZebuli induna yomuzi wezwa amazwi ka Gali indodana ka Ebedi, wa tukutela.

₃₁Wa tuma izigijimi kuAbimeleki ngasese, wa ti, Bheka, uGali indodana ka Ebedi, nabafo wabo, ba fikile eShekemi; ba ku vusela umuzi.

₃₂Ngako sukake ebusuku, wena nabantu aba nawe; u lalele endhle;

₃₃Ku za kuti kusasa, li sa puma ilanga, wo vuka, u hlasele emzini; bheka, yena nabantu aba naye ba ya kupumela kuwe, kona u ya kwenza kuye njengokubona kwako.

₃₄uAbimeleki nabantu bonke aba be naye besuka ebusuku ba ya ba lalela ngaseShekemi ngezigaba ezine.

₃₅Wa puma uGali indodana ka Ebedi wema esangweni lomuzi; wesuka noAbimeleki, nabantu aba be naye, endaweni yokulalela.

₃₆uGali wa bona abantu, wa ti kuZebuli, Bheka, abantu ba yehla ezintabeni pezulu. uZebuli wa ti kuye, U bona amatunzi ezintaba ku nga ti abantu.

₃₇uGali wa se pinda wa kuluma, wa ti, Bheka, abantu ba yehla ezweni eli pezulu; nesinye isigaba si yeza ngendhlela ya seEloni-Mehonenimi.

₃₈uZebuli wa se e ti kuye, Po, u pi manje umlomo wako, owa tyo ngawo ukuti, Ubani uAbimeleki, ukuba si m konze? a sibo labobantu owa beisayo na? Pumake, u lwe nabo.

₃₉uGali wa puma e hamba pambi kwaba seShekemi wa lwa noAbimeleki.

₄₀uAbimeleki wa m xotya, wa baleka pambi kwake; abaningi ba wa be bulewe, ku ze ku fike na sesangweni.

₄₁uAbimeleki wa hlala eAruma; uZebuli wa m xotya uGali nabafo wabo, ukuba ba nga hlali eShekemi.

₄₂Kwa ti ngangomso abantu ba ya endhle; kwa bikwa kuAbimeleki.

₄₃Wa se e tabata abantu, wa bahlukanisa wa benza izigaba ezitatu, wa lalela endhle; wa kangela, bheka abantu be sa puma emzini; wa ba vukela, wa ba bulala.

₄₄uAbimeleki nesigaba esa si naye, sesuka sa ya sema esangweni lomuzi; ezinye izigaba ezibili zesuka za ya kubo bonke aba be sendhle, ba ba bulala.

₄₅uAbimeleki wa lwa nomuzi ngalolosuku lonke; wa nqoba umuzi, wa bulala abantu aba be kuwo, wa u bidhliza umuzi, wa hlwanyela usaoti kuwo.

₄₆Ngokuzwa loko bonke abenqaba ya seShekemi, ba ngena enqabeni yendhlu ka Elberiti.

₄₇Kwa bikwa kuAbimeleki kwa tiwa, bonke abenqaba ya seShekemi ba butene kona.

₄₈uAbimeleki wa se e kupukela entabeni yeZalmoni, yena nabantu bonke aba be naye; uAbimeleki wa tabata imbazo ngesandhla, wa gaula igatya emitini, wa li tabata, wa li beka ehlombe, wa ti kubantu aba be naye, Loku eni bona ngi kwenza tyetyani ni kwenze njengami.

₄₉Abantu bonke ba gaula, kwa ba ilowo igatya lake, ba m landela uAbimeleki, ba wa beka enqabeni, ba i tyisa inqaba ngomlilo pezu kwabo; ba fa nabo bonke abenqaba ya seShekemi, ku nga ti, aba inkulungwane, abesilisa nabesifazana.

₅₀Kona uAbimeleki wa ya eTebezi, wa li haqa iTebezi, wa li nqoba.

₅₁Kepa kwa ku kona inqaba e namandhla pakati komuzi, ba balekela kona bonke abesilisa nabesifazana, nabo bonke abomuzi, ba zivalela pakati, ba kupuka ba ya pezulu enqabeni.

₅₂uAbimeleki wa ya enqabeni, wa lwa nayo, wa sondela emnyango wenqaba ukuba a i tyise ngomlilo.

₅₃Kepa umfazi otile wa ponsa itye la pezulu lokusila pezu kwekanda lika Abimeleki, wa coboza ikanda lake.

₅₄Wa se e tyetya e biza insizwa eya pata izikali zake, wa ti Kipa inkemba yako u ngi bulale, funa ku tiwe, Wa bulawa umfazi. Insizwa yake ya m gwaza, wa fa.

₅₅Aba kwaIsraeli se be bonile ukuti uAbimeleki u file, besuka kwa ba ilowo wa ya endaweni yake.

₅₆Kwa njalo uTixo wa buyisa ububi buka Abimeleki, a be e benzile kuyise, ngokubulala abafo wabo abamashumi a isikombisa.

₅₇Nobubi bonke babo aba seShekemi wa bu buyisela pezu kwamakanda abo; behlelwa isituko sika Jotamu indodana ka Jerubali.