Emsebenzini noThixo – Usuku 2

Sebenza nzima.

Itekisi yeBhayibhile

IZAFOBE 6

₆Yiya embovaneni, vilandini;

qwalasela indlela eziphethe ngayo, nawe ulumke.

₇Kaloku yona ayinankosi,

ingenamlawuli nankokheli,

₈kodwa nakuba injalo iyaxakeka ehlotyeni iqokelela umphako,

izilungiselela ukutya ngexesha lokuvuna.

₉Kodwa kodwa, vilandini, koda kube nini uthe tywa kuloo mandlalo?

Uya kuvuka nini kobo buthongo bakho?

IZAFOBE 6:6-9XHO96Vula kumfundi weBhayibhile

IZAFOBE 26

₁₄Oku kocango oluvula luvaleke kwiihenjisi oluxhonywe kuzo

linjalo ivila ukuqika-qikeka emandlalweni walo.

₁₅Ivila liyakha esityeni,

kodwa linqene ukufaka emlonyeni.

IZAFOBE 26:14-15XHO96Vula kumfundi weBhayibhile

KUTITO 3

₁₄Abantu bethu bona mabafunde ukuzisebenzela iintswelo zabo, bangavilaphi nje bengenamveliso.

KUTITO 3:14XHO96Vula kumfundi weBhayibhile

2 KUTIMOTI 3

₆Abanye babo bahamba bechwechwela imizi, bexhaphaza abafazi abangenazimilo, ababotshwe zizono zabo, beluthuzeliswa ziinkanuko. ₇Aba ke bahlala befunda, kodwa abaze bafikelele ekuyazini inyaniso. ₈Abantu abanje bayayichasa inyaniso kwanjengokuba uJanes noJambres bamchasayo uMosis. Aba bantu abakwazi ukuqiqa, futhi ukholo lwabo luphuthile. ₉Abasoze bahambele ndawo, kuba ububhanxa babo buya kubonakala nakubani na kwanjengokuba kwaba njalo nakubachasi bakaMosis.

Isiyalo

₁₀Kodwa ke wena, nyana wam, uze uhambe rhoqo ekhondweni lam, ngeemfundiso, ngokuziphatha, ngeenjongo, ngokholo, ngomonde, nangothando, nangokunyamezela ₁₁ngexesha leentshutshiso, nasebunzimeni. Izinto ezandihlelayo eAntiyokwe, eIkoniyo, naseListra, uyazi ukuba ndazithwala, iNkosi indihlangula kuzo zonke. ₁₂Kambe intshutshiso yomfikela nawuphi na umKrestu ofuna ukuhlala esoyika iNkosi. ₁₃Kodwa zona izikhohlakali nezikrelemnqa ziya kuqhuba zisuka ebubini ziye kobungaphezulu ububi, zihamba zikhohlisa, zikhohliswa nazo.

2 KUTIMOTI 3:6-13XHO96Vula kumfundi weBhayibhile

1 KUTIMOTI 5

₈Umntu ongazikhathaleleyo izizalwane zakhe, ingakumbi ezihlala naye, selelulahlile ukholo, ungcole ngaphezu kwabangakholwayo.

1 KUTIMOTI 5:8XHO96Vula kumfundi weBhayibhile

IBhayibhile ifundisa ukuba abo basebenza nzima balumkile yaye bavuna iziqhamo ngeli lixa aba bonqenayo bezizidenge yaye abanankqubela. Kubalulekile ukubonelela izidingo zethu zemihla ngemihla ngokuthi senze umsebenzi wosuku ngokuthembekileyo.

Izixhobo ZeBhayibhile

Malunga neBhayibhile

Isishwankathelo seBhayibhile (en)

I-BibleSA app

IiBhayibhile

Ngathi (en)

Ivenkile yeBhayibhile (en)

IBhayibhile Yonke Imihla

Izixhobo Ezongezelelweyo ZeBhayibhile (en)

Iindaba ZeBhayibhile (en)

Umibuzo yeBhayibhile (en)

Izicwangciso Zokufunda

Ivesi-ngosuku (en)

Izixhobo zeCawa

INcwadi yeZibhalo Ezingcwele yeCawa (en)

Ulwandlalo lweNtshumayelo (en)

Umoya kaThixo phakathi kwamaphepha (en)

Umboniso weSoftware (en)

Izikhokelo Zomsebenzisi

Malunga neBibleSA

FAQ (en)