Sihlabelelo 82

₁Nkulunkulu ukhuluma

emhlanganweni lomkhulu,

wehlulela bonkulunkulu utsi:

₂“Kutawuze kube ngunini

nehlulela ngalokungakalungi

nikhetsa tindlubu nishiye tinkhobe? Cabanga.

₃“Vikelani emalungelo

alabamphofu netintsandzane,

nimele emalungelo

alabacindzetelwe nalabeswele.

₄Bephuleni labamphofu nalabeswele,

nibakhulule esandleni salababi.

₅“Abati lutfo, abacondzi lutfo,

badvukuta ebumnyameni;

tonkhe tisekelo temhlaba tiyatanyatanyiswa.

₆Ngatsi kini: ‘Nibonkulunkulu nine;

nonkhe ningemadvodzana

aLosetikwako Konkhe.’

₇Nome kunjalo,

niyakufa njengebantfu bonkhe,

niphele njengato tonkhe tikhulu.”

₈Vuka-ke, Nkulunkulu,

wehlulele umhlaba,

ngobe nguwe umnikati wetive tonkhe.